ပူတာအိုမှာ ကုန်ပစ္စည်းဈေးနှုန်း မြင့်တက်နေဆဲ

• 
  2018-03-12

မြန်မာနိုင်ငံ မြောက်ဖျားမှာ လမ်းပန်းဆက်သွယ်ရေးပြတ်တောက်ပြီး ကုန်ဈေးနှုန်းတွေ ကြီးမြင့်နေတဲ့ ပူတာအိုမြို့ကို မတ်လ ၉ ရက်နေ့ ညနေကစပြီး စက်သုံးဆီကားတချို့ ဝင်ရောက်မှုတွေ ရှိလာတာကြောင့် စက်သုံးဆီ ဈေးနှုန်း အနည်းငယ်ပြန်ကျနေပေမယ့် တခြားကုန်စည်ဈေးနှုန်းတွေကတော့ မြင့်တက်နေဆဲဖြစ်ပါတယ်။

စက်သုံးဆီကားတချို့ ဝင်ရောက်တာတွေရှိပေမယ့် အများပြည်သူတွေကတော့ မြစ်ကြီးနား-ဆွမ်ပရာဘွမ်-ပူတာအိုလမ်းကို အရင်လို သွားလာကြတာမရှိသေးကြောင်း ပူတာအိုမြို့နယ် လီဆူရိုးရာစာပေယဉ်ကျေးမှုကော်မတီ အတွင်းရေးမှူး ဦးရားနီ က ပြောပါတယ်။