ဗိုလ်မှူးကြီးတာဘုန်းကျော်နဲ့ ဆက်သွယ်မေးမြန်းချက်

• 
  2017-01-21

အစိုးရတပ်မတော်နဲ့ တိုက်ပွဲတွေဖြစ်နေတဲ့ မြောက်ပိုင်းမဟာမိတ် ၄ ဖွဲ့ထဲက AA ရခိုင်အဖွဲ့၊ TNLA တအာန်းပလောင်အဖွဲ့နဲ့ MNDAA ကိုးကန့်အဖွဲ့တို့ ငြိမ်းချမ်းရေးဖြစ်စဉ်မှာ ပါဝင်ဖို့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က သဘောတူထားတယ်လို့ တရုတ်နိုင်ငံခြားရေးဌာန၊ အာရှရေးရာ အထူးသံတမန်က ပြောလိုက်ပါတယ်။ မြောက်ပိုင်းမဟာမိတ်အဖွဲ့ ၄ ဖွဲ့နဲ့ တရုတ်နိုင်ငံ ကူမင်းမြို့မှာ မနေ့က တွေ့ဆုံဆွေးနွေးစဉ်မှာ တရုတ်အထူးသံတမန် ဆွန်ကော်ရှန်က အခုလိုပြောခဲ့တာလို့ TNLA အဖွဲ့က ဗိုလ်မှူးကြီး တာဘုန်းကျော်က ပြောပါတယ်။ ဗိုလ်မှူးကြီး တာဘုန်းကျော်ကို RFA သတင်းထောက် ကိုသီဟထွန်းက ဆက်သွယ်မေးမြန်းထားပါတယ်။