ဆင်တွေရဲ့ ဒုက္ခ အိုက်ဝေဝေ ဗီဒီယိုပြ

မြန်မာနိုင်ငံက ဆင်စခန်းတွေကို သွားရောက်ကြည့်ရှုခဲ့ရာမှာ ပြောဆိုခဲ့တာပါ။

မြန်မာနိုင်ငံမှာ သစ်ထုတ်လုပ်ရေးကဏ္ဍကို လျှော့ချလိုက်တဲ့အတွက် နှစ်ပေါင်းများစွာအလုပ်လုပ်လာခဲ့ကြတဲ့ သစ်ဆွဲဆင်ကောင်ရေ တထောင်ကျော် အလုပ်လက်မဲ့ဖြစ်သွားခဲ့ကြပြီး၊ ဆင်ပိုင်ရှင်တွေအတွက် စီးပွားရေးအရ ဝန်ထုတ်ဝန်ပိုးဖြစ်လာခဲ့ပါတယ်။

ဆင်အတော်များများ စခန်းတွေထဲ ထူးခတ်ခံထားရပြီး၊ တချို့ဆင်တွေကို တိုင်းပြည်အပြင်ဘက် မှောင်ခိုထုတ်၊ ခရီးသွားလုပ်ငန်းတွေမှာ အသုံးပြုနေကြပါတယ်။ တချို့လည်း တောထဲစွန့်ပစ်ခံရ၊ အသတ်ခံရဖြစ်နေရတယ်လို့ ဆိုပါတယ်။

ဒီအခြေအနေနဲ့ ပတ်သက်လို့ အိုက်ဝေဝေ က ဆင်တွေကို လွတ်လပ်ခွင့်ပေးဖို့တိုက်တွန်းလိုက်ပြီး၊ တခြား သတ္တဝါတွေအပေါ် ကောင်းကျိုးဆောင်ပေးတာကမှ လူဆန်ရာရောက်ကြောင်း ဗီဒီယိုကို အင်စတာဂရမ် လူမှု ကွန်ရက် ကတဆင့် မနေ့က ပြသခဲ့ပါတယ်။