အာဆီယံ နိုင်ငံခြားရေး ဝန်ကြီးများ စည်းဝေးပွဲ ပြီးစီး

• 
  2014-08-10

၄၇ ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးနဲ့ အရှေ့အာရှထိပ်သီးအစည်း အဝေး ကို နေပြည်တော် မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာနမှာ ဒီနေ့ နောက်ဆုံးနေ့အဖြစ် ကျင်းပခဲ့ပါတယ်။

တဆက်တည်း ကျင်းပတဲ့ အာဆီယံနဲ့ နယူးဇီလန်နိုင် ငံခြားရေးဝန်ကြီးများ အစည်းအဝေးမှာ အာဆီယံနိုင် ငံများနဲ့ နယူးဇီလန် ပညာသင်ဆုအစီအစဉ်၊ လူငယ် စီးပွားရေးလုပ်ငန်းရှင်များဖလှယ်ရေး၊ သဘာဝဘေး အန္တရာယ် စီမံခန့်ခွဲမှုနဲ့ လယ်ယာစိုက်ပျိုးရေးစတဲ့ ကိစ္စရပ်တွေကိုဆွေးနွေးခဲ့တယ်လို့ သိရပါတယ်။

ဒါ့အပြင် အာဆီယံ- သြစတြေးလျနိုင်ငံခြားရေး ဝန်ကြီးများ အစည်းအဝေးမှာ အာဆီယံဒေသတွင်း လူကုန်ကူးမှုတိုက်ဖျက်ရေးအတွက် သြစတြေးလျနိုင် ငံက ငါးနှစ်စီမံကိန်းသတ်မှတ်ပြီး ကူညီဆောင်ရွက်ပေး သွားမယ်လို့လည်း သိရပါတယ်။

ဒီနေ့ အစည်းအဝေးတွေကို အာဆီယံနိုင်ငံခြားရေးဝန်ကြီးတွေအပြင် အမေရိကန်၊ ရုရှား၊ တရုတ်၊ ကိုရီးယား၊ ဂျပန် ၊ သြစတြေးလျ၊ ကနေဒါနဲ့ အိန္ဒိယနိုင်ငံတို့က နိုင်ငံခြားရေးဝန်ကြီးတွေလည်း တက်ရောက်ခဲ့ကြပါတယ်။