နယ်စပ်က တရားဝင်သွားရောက် သူတွေကိုပါ တရုတ်ရဲတွေ ဖမ်းဆီးနေ

"တချို့ကျတော့လည်း ရက်ကျော်ပြီးနေထိုင်တဲ့ ကိစ္စတွေလည်းရှိတာပေါ့။ သွားလိုက်တဲ့အချိန်၊ ဝင်လိုက်တဲ့ အချိန်မှာ အထောက်အထား စည်းတံဆိပ်တွေ မပြည့်စုံလို့ ဖမ်းတာတွေလည်းရှိတယ်။ တခြားပြစ်မှုကျုးလွန် တဲ့အခါ တင်းတင်းကြပ်ကြပ်ဖမ်းတာတွေလည်း ရှိတာပေါ့။ ဒါ့ပေမဲ့ ကိုယ့်နိုင်ငံသားတွေ အဖမ်းခံရပြီ ဆိုတာသိတာနဲ့ ချက်ချင်းကန့်ကွက်စာနဲ့ ပြန်လွှတ်ဖို့ တောင်းတာပေါ့လေ။ သူတို့ဘက်က ဒုစရိုက်မှုတွေလည်း ရှိတာပေါ့နော်။ အကုန်လုံးသိမ်းကြုံးပြီး လုပ်လိုက်တဲ့အပိုင်းလည်း ပါမှာပေါ့။ ဟိုဘက်မှာ ပြစ်မှုကျုးလွန်တဲ့ သူတွေလည်း ရှိတော့ပေါ့နော်။ ရှိတဲ့အခါကျတော့ သံသယရှိတဲ့သူ အကုန်လုံးရှာတဲ့အခါ ဖြစ်တာ လည်းဖြစ်လိမ့်မယ်"

ဖမ်းဆီးထားတဲ့ မြန်မာနိုင်ငံသားတွေဆီကနေ တရုတ်နိုင်ငံ ရဲတပ်ဖွဲ့ဝင်တွေက ယွမ်ငွေ ၈၀၀ ကနေ ၁၀၀၀ အထိ (မြန်မာကျပ်ငွေ ၁ သိန်း ၄ သောင်းကျော်ကနေ ၁ သိန်း ၇ သောင်းကျော်) တောင်းပြီးမှ ပြန်လွှတ်ပေးတယ်လို့ လည်း မြန်မာနိုင်ငံဘက်ကနေ ရွှေလီမြို့ ပြည်ပရေးရာဌာနကို ပေးပို့တဲ့စာထဲမှာ ပါရှိပါတယ်။

မြန်မာနိုင်ငံကနေ တရုတ်နိုင်ငံနယ်စပ်တွေအကြား ခရီးသွားလာမှုတွေဟာ မြန်မာ-တရုတ် နယ်စပ်ဒေသ စီမံခန့်ခွဲရေးနှင့် ပူးပေါင်းဆောင်ရွက်ရေးဆိုင်ရာ သဘောတူညီမှုစာချုပ်အရ နှစ်နိုင်ငံခေါင်းဆောင်တွေ သဘောတူပြီးခွင့်ပြုထားတာဖြစ်ပါတယ်။

မြန်မာ- တရုတ်နယ်စပ်ကနေ နေ့စဉ်ခရီးသွားလာနေသူ ဦးရေဟာ ၅ထောင်ကနေ ၁ သောင်း လောက်အထိ ရှိနေတယ်လို့ သိရပါတယ်။