ရှမ်းပြည်နယ်ထဲ ခိုးဝင်သူ ခရစ်ယာန်ဘုန်းတော်ကြီး ရဲ့ ပြစ်ဒဏ်လျှော့ပေးဖို့ ပန်ကြား
မြန်မာနိုင်ငံ ရှမ်းပြည်နယ်ထဲကို သွားပြီး သာသနာပြုလုပ်ငန်းလုပ်တဲ့အတွက် ထောင် ၇ နှစ် ပြစ် ဒဏ်စီရင်ခံရသူ ခရစ်ယာန်ဘုန်းတော်ကြီးတပါး အမှုကို ပြန်စဉ်းစားပြီး ပြစ်ဒဏ်လျှော့ပေါ့ပေးဖို့ အမေရိကန်နိုင်ငံရှိ သူ့မိသားစုက တရုတ် အာဏာပိုင်တွေကို ပြီးခဲ့တဲ့ရက်ပိုင်းက မေတ္တာရပ်ခံ လိုက်ပါတယ်။
-
2018-04-16 -
-
-
မြန်မာနိုင်ငံ ရှမ်းပြည်နယ်ထဲကို သွားပြီး သာသနာပြုလုပ်ငန်းလုပ်တဲ့အတွက် ထောင် ၇ နှစ် ပြစ်ဒဏ်စီရင်ခံရသူ ခရစ်ယာန်ဘုန်းတော်ကြီးတပါး အမှုကို ပြန်စဉ်းစားပြီး ပြစ်ဒဏ်လျှော့ပေါ့ပေးဖို့ အမေရိကန်နိုင်ငံရှိ သူ့မိသားစုက တရုတ် အာဏာပိုင်တွေကို ပြီးခဲ့တဲ့ရက်ပိုင်းက မေတ္တာရပ်ခံလိုက်ပါတယ်။
ရှမ်းပြည်နယ်ထဲကို တခြား ခရစ်ယာန် တရားဟောဆရာတွေနဲ့အတူ မကြာမကြာ တရားမဝင်သွားရောက်ပြီး ခရစ်ယာန်စာပေတွေ ဖြန့်ဖြူးဟောပြောခဲ့လို့ နယ်စပ်ခိုးဝင်ခိုးထွက်မှုနဲ့ လူဝင်မှုကြီးကြပ်ရေးဥပဒေအရ ပြစ်ဒဏ်ချလိုက်တာလို့ အေပီသတင်းဌာနက ဖေါ်ပြပါတယ်။
ဂျွန်- စံချင်းကောက် ဆိုသူ အဲဒီ ဘုန်းတော်ကြီးဟာ တရုတ်ပြည် တောင်ပိုင်းမှာ အစိုးရတားမြစ်ချက်တွေကို ချိုးဖေါက်ပြီးတော့ သာသနာပြုလုပ်ငန်းတွေကို လုပ်ကိုင်ခဲ့ပြီး၊ မြန်မာနိုင်ငံဘက်က တိုင်းရင်းသားဒုက္ခသည်တွေကို စာရေးကိရိယာတွေ၊ ကျမ်းစာအုပ်တွေ ဖြန့်ဖြူးပေးကမ်းပြီး သာသနာပြုလုပ်ငန်းလုပ်ခဲ့သူလို့ ဆိုပါတယ်။