ဒေါ်အောင်ဆန်းစုကြည် နီပေါ သွားမည်

• 
  2014-04-23

အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ လာမဲ့ ဇွန်လ ၁၄ ရက်နေ့ မှာ  နီပေါနိုင်ငံသို့ သွားရောက်မှာဖြစ်ကြောင်း ခတ္တမဒ္ဒူမြို့ထုတ် kantipur သတင်းက ဖော်ပြပါတယ်။

ဒေါ်အောင်ဆန်းစုကြည်ဟာ နီပေါနိုင်ငံရဲ့ ပထမဆုံး ဒီမိုကရေစီ နည်းကျ ရွေးကောက် တင်မြှောက်ခံရတဲ့ ဝန်ကြီးချုပ်ဟောင်း BP Koirala ရဲ့ နှစ်တစ် ရာပြည့် မွေးနေ့ အခမ်းအနားကို တက်ရောက်ဖို့ လာရောက်တာဖြစ်တယ်လို့ နီပေါ ဝန်ကြီးချုပ် Sushil Koirala ရဲ့ အကြံပေး အရာရှိတစ်ဦးက ပြောပါတယ်။

နှစ်ရက်ကြာ နီပေါနိုင်ငံခရီးစဉ် အတွင်း ဒေါ်အောင်ဆန်းစုကြည်ဟာ နီပေါနိုင်ငံသမ္မတ၊ ဝန်ကြီးချုပ် အပါအဝင် ထိပ်သီး ခေါင်းဆောင်တွေ နဲ့ တွေ့ဆုံမှာဖြစ်သလို ဇွန်လ ၁၅ ရက်နေ့မှာ နီပေါ ပါလီမန်မှာ  ဆိုရှယ်ဒီမိုကရေစီနဲ့ပတ်သက်ပြီး မိန့်ခွန်းပြောကြားမယ်လို့လည်း သိရပါတယ်။

ဒါ့အပြင် ဒေါ်အောင်ဆန်းစုကြည်ဟာ လုမ္ပဏီဥယျာဉ်ကို သွားရောက်လည်ပတ်ဖို့ စီစဉ်ထားကြောင်းလဲ သတင်း မှာဖော်ပြထားပါတယ်။