ဒေါ်အောင်ဆန်းစုကြည်က လူငယ်တွေ နိုင်ငံရေးစိတ်ဝင်စားတာကို ချီးကျူး

• 
  2012-12-09

"ကျွန်မတို့သွားတဲ့အခါမှာ လူငယ်လေးတွေ တက်တက်ကြွကြွနဲ့ လာကြိုရင်ဝမ်းသာတယ်၊ ကျွန်မကို လာကြိုလို့ဝမ်းသာတာထက် သူတို့ နိုင်ငံရေးဗီဇ ရောက်သွားတာမို့လို့ ဝမ်းသာတာပါ၊ သူတို့တွေဟာ အသက်ကြီးလာတဲ့အခါမှာ နိုင်ငံရေးကို ပိုပြီးတော့ ရင့်ရင့်ကျက်ကျက်နဲ့ တက်တက်ကြွကြွလုပ်နိုင်မှာပါ"

ဒီကနေ့ ဟောပြောတဲ့ လူထုမိန့်ခွန်းမှာ ဘွဲ့ရအလုပ်လက်မဲ့ပြသနာ၊ ကျန်းမာရေး၊ ပညာရေး၊ စီးပွားရေးနဲ့ နိုင်ငံရေးအကြောင်းတွေကို အဓိကထား ဟောပြောခဲ့ပါတယ်။

ဒေါ်အောင်ဆန်းစုကြည်ဟာ ဒီကနေ့မနက်မှာ မကွေးမြသလွန်ဘုရားကွင်းမှာ မြို့ခံလူထုတွေကို ဟောပြောခဲ့ပြီး ရေနံချောင်းမြို့နဲ့ ကျောက်ပန်းတောင်းမြို့တွေမှာ သွားရောက်ဟောပြောခဲ့ပါတယ်။

အဲဒီနောက် ဒေါ်အောင်ဆန်းစုကြည်ဟာ ပုဂံ၊ ညောင်ဦးမြို့လေဆိပ်မှ ရန်ကုန်မြို့သို့ ညနေ ၅ နာရီမှာ ပြန်လည်ထွက်ခွာသွားတယ်လို့ သိရပါတယ်။

ကျောက်ပန်းတောင်းမြို့ ရွှေနဒီ ပရဟိတ ဘုန်းတော်ကြီးကျောင်းမှာ ဒေါ်အောင်ဆန်းစုကြည်ပြောကြားခဲ့တဲ့ မိန့်ခွန်းကို နားဆင်နိုင်ပါတယ်။