ဒေါ်အောင်ဆန်းစုကြည် ရုပ်တု လေလံတင် ရောင်းချမည်
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ပုံတူ ကြေးသွန်းပန်းပုရုပ်ထုတစ်ခု၊ ပန်းအိုးတစ်ခုနဲ့ ကျောက်စိမ်းလည်ဆွဲတစ်ခုတို့ကို ဒေါ်ခင်ကြည်ဖောင်ဒေးရှင်း ရန်ပုံငွေအတွက် ဆီဒိုးနားဟိုတယ်မှာ လာမယ့် အောက်တိုဘာလ ၅ ရက်နေ့ လေလံတင် ရောင်းချပါလိမ့်မယ်။
-
2018-09-13 -
-
-
နိုင်ငံတော်အတိုင်ပင်ခံပုဂ္ဂိုလ်ကို စင်ကာပူနိုင်ငံ ISEAS မှာ ၂၀၁၈ သြဂုတ်လ ၂၁ ရက်နေ့ကကျင်းပတဲ့ Myanmar's Democratic Transition : Challenges and Way Forward ဟောပြောပွဲမှာ တွေ့ရစဉ်
Photo: Myanmar State Counsellor Office
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ပုံတူ ကြေးသွန်းပန်းပုရုပ်ထုတစ်ခု၊ ပန်းအိုးတစ်ခုနဲ့ ကျောက်စိမ်းလည်ဆွဲတစ်ခုတို့ကို ဒေါ်ခင်ကြည်ဖောင်ဒေးရှင်း ရန်ပုံငွေအတွက် ဆီဒိုးနားဟိုတယ်မှာ လာမယ့် အောက်တိုဘာလ ၅ ရက်နေ့ လေလံတင် ရောင်းချပါလိမ့်မယ်။
အဲဒီ ပုံတူကြေးရုပ်ကို နော်ဝေအနုပညာရှင် Merete Sejersted Bodtker မရီးတာ စာယာ့စတက် ဗော့ကာ က ထုလုပ်ခဲ့တာပါ။ ကြမ်းခင်းဈေးအဖြစ် ပုံတူကြေးသွန်းရုပ်ကို ငွေကျပ် သန်း ၅ဝ၊ ကျောက်စိမ်းလည်ဆွဲကို ကျပ် ၁ဝ သန်းနဲ့ ပန်းအိုးကို ကျပ် ၂ သန်း သတ်မှတ်ထားပါတယ်။ လေလံပွဲအတွက် ဝင်ခွင့်လက်မှတ်တစ်စောင်ကို အမေရိကန် ဒေါ်လာ ၁ဝဝ နဲ့ ရောင်းချမယ်လို့ သိရပါတယ်။