မဲရေတွက်ရာမှာ ပွင့်လင်းမြင်သာမှု ရှိဖို့ အီးယူစောင့်ကြည့်ရေး အဖွဲ့ခေါင်းဆောင် တိုက်တွန်း
ဆန္ဒမဲတွေကိုရေတွက်တဲ့အချိန်မှာ ပွင့်လင်းမြင်သာမှုရှိရေးဟာ အရေးကြီးကြောင်း အီးယူ ဥရောပသမဂ္ဂ ရွေးကောက် ပွဲလေ့လာစောင့်ကြည့်ရေး အဖွဲ့ခေါင်းဆောင် Alexander Lambsdorff က ပြောပါတယ်။
-
2015-11-08 -
-
-
Your browser doesn’t support HTML5 audio
ဆန္ဒမဲတွေကိုရေတွက်တဲ့အချိန်မှာ ပွင့်လင်းမြင်သာမှုရှိရေးဟာ အရေးကြီးကြောင်း အီးယူ ဥရောပ သမဂ္ဂ ရွေးကောက်ပွဲလေ့လာစောင့်ကြည့်ရေး အဖွဲ့ခေါင်းဆောင် Alexander Lambsdorff က ပြောပါတယ်။
ဒီကနေ့ ကျင်းပတဲ့ မြန်မာနိုင်ငံရဲ့ အထွေထွေရွေးကောက်ပွဲကို စောင့်ကြည့်လေ့လာနေတဲ့ အီးယူ အဖွဲ့ရဲ့ လေ့လာရေးလုပ်ငန်းတွေ အကြောင်းကို ဒီကနေ့ နေ့လည်က သတင်းမီဒီယာသမားတွေကို ရှင်းပြစဉ်မှာ မဲရေတွက်ရာမှာ ပွင့်လင်းမြင်သာမှုရှိရမှာဖြစ်ကြောင်း Mr. Lambsdorff က အခုလို ပြောလိုက်တာပါ။
"ပွင့်လင်းမြင်သာမှုဆိုရာမှာ မိမိတို့ အီးယူလေ့လာစောင့်ကြည့်ရေးအဖွဲ့ဝင်တွေဟာ မဲရုံတွေမှာ မဲရေအတွက်တဲ့အချိန် စောင့်ကြည့်လေ့လာခွင့်ရှိရမှာ ဖြစ်ပါတယ်။ ဒါ့အပြင် နိုင်ငံရေးပါတီ အသီးသီးက ကိုယ်စားလှယ်တွေလည်း အဲဒီလို ရေတွက်တာကို စောင့်ကြည့်ခွင့်ရှိရမှာ ဖြစ်ပါတယ်"
ပြည်ထောင်စုရွေးကောက်ပွဲကော်မရှင် ဥပဒေအရ နိုင်ငံရေးပါတီအသီးသီးက ကိုယ်စားလှယ်တွေဟာ ပြည်သူတွေ မဲပေးတာနဲ့ မဲရေတွက်တာကို လေ့လာခွင့်ရရှိတာဖြစ်ပြီး အီးယူအဖွဲ့နဲ့ ကျန်တဲ့လေ့လာစောင့်ကြည့်တဲ့ အဖွဲ့တွေ လည်း မဲရုံတွေမှာ စောင့်ကြည့်ခွင့်ရတာ ဖြစ်ပါတယ်။
ဒါ့အပြင် အီးယူလေ့လာစောင့်ကြည့်တဲ့အဖွဲ့ဟာ တပ်မတော်တပ်ရင်းတွေမှာရှိတဲ့ မဲရုံတွေကိုလည်း စောင့်ကြည့်ခွင့် ရတယ်လို့ ပြောပါတယ်။
ဒီအကြောင်း RFA အဖွဲ့သား ဦးဝင်းနိုင် တင်ပြထားတာ နားဆင်နိုင်ပါတယ်။