ကိုယ်စားလှယ်လောင်း အမည်စာရင်းတင်သွင်းဖို့ ရက်တိုးပေး

• 
  2015-08-03

နိုဝင်ဘာလ ၈ ရက်နေ့ ရွေးကောက်ပွဲမှာ ဝင်ရောက်ယှဉ်ပြိုင်မယ့် ကိုယ်စားလှယ်လောင်းတွေရဲ့ အမည်စာရင်း တင်သွင်းရမယ့် နေ့ရက်ကို ပြည်ထောင်စုရွေးကောက်ပွဲ ကော်မရှင်က နောက်ထပ် ၆ ရက် ထပ်တိုးပေး လိုက်ကြောင်း ဒီနေ့ ကြေညာလိုက်ပါတယ်။

အရင်က ကိုယ်စားလှယ်လောင်း တင်သွင်းမယ့်နေ့ရက်ကို သြဂုတ်လ ၈ ရက်နေ့ နောက်ဆုံးထားတင် ဖို့ ကြေညာထားရာကနေ သြဂုတ်လ ၁၄ ရက်နေ့အထိ တင်သွင်းနိုင်မှာဖြစ်ပါတယ်။

မြန်မာနိုင်ငံအနှံ့မှာ ရေကြီးရေလျှံပြီး သဘာဝဘေးအန္တရာယ်နဲ့ ရင်ဆိုင်နေရတဲ့အတွက် ကိုယ်စားလှယ်လောင်း အမည်စာရင်း တင်သွင်းမယ့်နေ့ရက်၊ အမည်စာရင်းရုပ်သိမ်းမယ့်နေ့ရက်နဲ့ အမည်စာရင်းစိစစ်မယ့်နေ့ရက် တို့ကို နောက်ထပ် ရက်တိုးပေးလိုက်တာဖြစ်ကြောင်း ကြေညာချက်မှာ ပါရှိပါတယ်။

ဒါ့အပြင် တင်ထားတဲ့ ကိုယ်စားလှယ်လောင်းအမည်စာရင်း လျှောက်လွှာတွေကို ပြန်လည်ရုပ်သိမ်းနိုင်တဲ့ နေ့ရက်ကို အရင်က သြဂုတ်လ ၁၁ ရက်နေ့အထိ သတ်မှတ်ထားရာကနေ ၁၇ ရက်နေ့အထိဆိုပြီး ထပ်တိုးပေးလိုက်ပါတယ်။