သုံးနှစ်အတွင်း ရွှေဆိုင်နဲ့ဘဏ် လုယက်ခံရမှု တစ်ရာနီးပါး ရှိ
အာဏာသိမ်း သုံးနှစ်အတွင်းမှာ ရွှေဆိုင်နဲ့ဘဏ်တွေ လုယက်ခံရမှုပေါင်း ၈၂ ခုအထိ ရှိခဲ့တယ်လို့ သုတေသနအဖွဲ့ Data for Myanmar က ထုတ်ပြန်ပါတယ်။
-
RFA Burmese
2024-02-20 -
-
-
အာဏာသိမ်း သုံးနှစ်အတွင်းမှာ ရွှေဆိုင်နဲ့ဘဏ်တွေ လုယက်ခံရမှုပေါင်း ၈၂ ခုအထိ ရှိခဲ့တယ်လို့ သုတေသနအဖွဲ့ Data for Myanmar က ဖေဖော်ဝါရီလ ၂၀ ရက်နေ့ညမှာ ထုတ်ပြန်ပါတယ်။
အဲဒီထဲမှာ ရွှေဆိုင် လုယက်ခံရမှု ၅၇ ခု၊ ဘဏ်အဆောက်အအုံထဲမှာ ဝင်ရောက်လုယက်ခံရမှု ၂၅ ခု ရှိခဲ့တယ်လို့ဆိုပါတယ်။
ဘဏ်လုယက်ခံရမှုတွေဟာ ၂၀၂၁ ခုနှစ်ကနေ ၂၀၂၂ ခုနှစ်အတွင်း ဖြစ်ခဲ့ပြီး တဖြည်းဖြည်း လျော့နည်းသွားတယ်လို့ Data for Myanmar က ဖော်ပြထားပါတယ်။
ရွှေဆိုင် လုယက်ခံရမှုတွေကတော့ တစ်လကို အနည်းဆုံး တစ်ကြိမ်ရှိနေပြီး မန္တလေးမြို့က ၁၂ ကြိမ်၊ ရန်ကုန်မြို့က ခြောက်ကြိမ်၊ ဖားကန့်မြို့က သုံးကြိမ်နဲ့ အများဆုံး ပါဝင်နေတာကို တွေ့ရပါတယ်။
နောက်ပြီး ရွှေဆိုင် လုယက်ခံရမှုတွေရဲ့ နှစ်ဆယ်ရာခိုင်နှုန်းကိုသာ ဖမ်းဆီးအရေးယူနိုင်ထားတာ တွေ့ရတယ်လို့ Data for Myanmar က ရေးသားထားပါတယ်။
ဇန်နဝါရီလ ၁၉ ရက်နေ့ကလည်း မန္တလေးတိုင်း၊ မဟာအောင်မြေမြို့နယ်က ဆယ်သန်းရွှေဆိုင်ကို ဆိုင်ကယ်နဲ့ အမျိုးသားသုံးဦးက သေနတ်နဲ့ ခြိမ်းခြောက်ပြီး ဓားပြတိုက်ခဲ့ပါတယ်။