H1N1 ကြောင့် သေဆုံးသူ တစ်ဦးထပ်တိုး
ရာသီတုပ်ကွေး H1N1 ကူးစက်ခံရတာကြောင့် ဒီနေ့မှာ ၁ ဦး ထပ်မံသေဆုံးသွားတဲ့အတွက် လက်ရှိအချိန်အထိ သေဆုံးသူ စုစုပေါင်း ၁၅ ဦးရှိသွားပြီဖြစ်ပါတယ်။
-
2017-08-05 -
-
-
ရာသီတုပ်ကွေး H1N1 ကူးစက်ခံရတာကြောင့် ဒီနေ့မှာ ၁ ဦး ထပ်မံသေဆုံးသွားတဲ့အတွက် လက်ရှိအချိန် အထိ သေဆုံးသူ စုစုပေါင်း ၁၅ ဦးရှိသွားပြီဖြစ်ပါတယ်။
လက်ရှိအချိန်အထိ ရောဂါပိုးတွေ့ရှိသူ စုစုပေါင်း ၁၃၆ ဦးနဲ့ သေဆုံးသူ ၁၅ ဦးရှိသွားပြီလို့ ပြည်သူ့ကျန်းမာရေး ဦးစီးဌာန ဒုတိယညွှန်ကြားရေးမှူးချုပ် ဒေါက်တာသန်းထွန်းအောင်က ပြောပါတယ်။
"ထပ်မံပိုးတွေ့လူနာပေါင်းက ၄ ဦး ထပ်တွေ့တယ်၊ အဲ့တော့ ပိုးတွေ့လူနာပေါင်းက ၁၃၆ ဦး ၊ သေဆုံးသူပေါင်းက ၁ ဦး ထပ်သေတော့ ၁၅ ဦးပါ"
ပြင်းထန်အဆုတ်ရောင်ရောဂါကြောင့် ဆေးရုံတက်ကုသမှုခံယူနေရသူပေါင်း ၃၅၆ ယောက် ရှိသွားပြီလည်း ဖြစ် ပါတယ်။
ရာသီတုပ်ကွေးရောဂါပိုးကြောင့် သေဆုံးသူတွေနဲ့ ကူးစက်ခံရသူတွေဟာ တစ်နေ့ထက် တစ်နေ့ ပိုများလာတာ လည်း တွေ့ရပါတယ်။
ရာသီတုပ်ကွေးရောဂါပိုး တွေ့ရှိတာကြောင့် ဆေးကုသမှုခံယူခဲ့ရပြီး လက်ရှိမှာ ကျန်းမာရေးပြန်လည်ကောင်းသွား လို့ ဆေးရုံက ဆင်းသွားသူက ၄၅ ဦး ရှိတယ်လို့လည်း သိရပါတယ်။