ICRC က မြန်မာရဲတပ်ဖွဲ့ကို သင်တန်းပေး

• 
  2013-09-12

မြန်မာနိုင်ငံရဲတပ်ဖွဲ့အနေနဲ့ လိုက်နာစောင့်ထိန်းရမယ့် နိုင်ငံတကာ စံနှုန်းကျင့်ဝတ်ဆိုင်ရာ သင်တန်းတစ်ရပ်ကို ICRC အပြည်ပြည်ဆိုင်ရာ ကြက်ခြေနီအဖွဲ့က လေးရက်ကြာ သင်တန်းပို့ချနေပါတယ်။

အခုလို ICRC နဲ့ မြန်မာအစိုးရကြား လူသားချင်းစာနာမှုလုပ်ငန်းတွေနဲ့ ပတ်သက်လို့ ပူးတွဲဆောင်ရွက်နိုင်တာဟာ အရေးကြီးတဲ့ ခြေလှမ်းတစ်ရပ်ဖြစ်တယ်လို့ ICRC က ပြောပါတယ်။

လုံခြုံရေးဆိုင်ရာကိစ္စတွေ၊ တရားဥပဒေစိုးမိုးရေးဆောင်ရွက်မှုတွေကို နိုင်ငံတကာစံနှုန်းအတိုင်းဖြစ်အောင် သင်တန်းပေးဆွေးနွေးနေတယ်လို့ဆိုပါတယ်။

စက်တင်ဘာလ ၁ဝ ရက်နေ့ကနေ ၁၃ ရက်နေ့အထိ နေပြည်တော်မှာ ကျင်းပနေတဲ့သင်တန်းကို မြန်မာနိုင်ငံ ရဲတပ်ဖွဲ့က အရာရှိကြီးတွေ ၊ ပြည်နယ်နဲ့ တိုင်းအသီးသီးက ရဲအရာရှိတွေ စုစုပေါင်း ၂၃  ယောက် တက်ရောက်နေတယ်လို့ သိရပါတယ်။