အိန္ဒိယဝန်ကြီးချုပ် မြန်မာ့အရေး ဆွေးနွေးဖို့ရှိ

• RFA Burmese
  2024-10-09

လာအိုနိုင်ငံကို ဒီလ ၁၀ ရက်က ၁၁ အတွင်း အိန္ဒိယ ဝန်ကြီးချုပ် မိုဒီ သွားရောက်တဲ့အခါ ပဋိပက္ခဆက်ဖြစ်ပွားနေတဲ့ မြန်မာ့အရေး ဆွေးနွေးဖို့ရှိတယ်လို့ ANI က အောက်တိုဘာ ၉ ရက်က ဖော်ပြပါတယ်။

မြန်မာ့အရေးကို အပြန်အလှန်ဆွေးနွေးရေးကပဲ ဖြေရှင်းနိုင်မယ်လို့လည်း နိုင်ငံခြားရေးဝန်ကြီးဌာနက ပြောပါတယ်။

ဝန်ကြီးချုပ် မိုဒီဟာ ၂၁ ကြိမ်မြောက် အာဆီယံ-အိန္ဒိယထိပ်သီး ဆွေးနွေးပွဲနဲ့ ၁၉ ကြိမ်မြောက် အရှေ့အာရှ တက်ရောက်ဖို့ အာဆီယံ- အရှေ့တောင်အာရှ နိုင်ငံများအသင်း ထိပ်သီးဆွေးနွေးပွဲ ကျင်းပနေတဲ့ လာအိုနိုင်ငံကို သွားရောက်မှာပါ။

လွန်ခဲ့တဲ့ သုံးနှစ် စစ်အာဏာသိမ်းလိုက်ချိန်က စပြီး မြန်မာ့အခြေအနေ တင်းမာနေပြီး အကြမ်းဖက်မှုတွေနဲ့ တိုက်ပွဲတွေဖြစ်ပွားတဲ့ သတင်းတွေလည်း ရရှိတဲ့အတွက် ဒေသတွင်းလုံခြုံရေးကို စိုးရိမ်ရတယ်လို့ ဆိုပါတယ်။

သက်ဆိုင်သူအားလုံး စေ့စပ်ဆွေးနွေးရာက မြန်မာနိုင်ငံ ဒီမိုကရေစီလမ်းကြောင်း ပြန်သွားရေးကို အိန္ဒိယက အမြဲမပြတ်ပြောကြားနေတယ်လို့လည်း သတင်းမှာ ဖော်ပြပါတယ်။