ပြုပြင်ပြောင်းလဲမှု လုပ်ဖို့ အများအပြား ကျန်သေးကြောင်း သြစတြေလျဝန်ကြီးချုပ် ပြော
မြန်မာအစိုးရအနေနဲ့ ဒီမိုကရေစီနဲ့ လူ့အခွင့်အရေး ပြုပြင်ပြောင်းလဲမှုတွေ လုပ်ဆောင်မယ်ဆိုတဲ့ ကတိကဝတ်တွေ အတိုင်း အပြည့်အဝ ဆောင်ရွက်မှသာ ၂ဝ၁၄ ခုနှစ် အာဆီယံ အလှည့်ကျဥက္ကဋ္ဌအဖြစ် မြန်မာအစိုးရ တာဝန်ယူကျင်းပမယ့် အရှေ့အာရှ ထိပ်သီးဆွေးနွေးပွဲကို တက်ရောက်မှာဖြစ်ကြောင်း သြစတြေလျဝန်ကြီးချုပ် မစ္စ Julia Gillard က ပြောလိုက်ပါတယ်။
-
2011-11-19 -
-
-
အင်ဒိုနီးရှားနိုင်ငံ ဘာလီကျွန်းမှာ သမ္မတဦးသိန်းစိန်နဲ့ ဒီကနေ့ တွေ့ဆုံခဲ့တဲ့ သြစတြေလျ ဝန်ကြီးချုပ်က သတင်းထောက်တွေကို အခုလို ပြောလိုက်တာပါ။
၂ဝ၁၄ ခုနှစ်၊ မြန်မာအစိုးရ တာဝန်ယူကျင်းပမယ့် အရှေ့အာရှ ထိပ်သီးဆွေးနွေးပွဲ တက်မတက် ဆိုတာကို ၂ဝ၁၄ ခုနှစ်ရောက်မှသာ စဉ်းစား ဆုံးဖြတ်မှာဖြစ်ကြောင်း၊ ဆွေးနွေးပွဲတက်မယ့် နိုင်ငံတွေ အနေနဲ့ အခုအချိန်ကစပြီး ၂ဝ၁၄ ခုနှစ်အထိ မြန်မာနိုင်ငံမှာ တိုးတက် ပြောင်းလဲမှုတွေ စဉ်ဆက်မပြတ် ဖြစ်ပေါ်တာကို မြင်တွေ့လိုကြတယ် ဆိုတာ သူ့အနေနဲ့ အလေးအနက် ပြောကြားလိုကြောင်း သြစတြေလျ ဝန်ကြီးချုပ်က ပြောဆိုလိုက်ပါတယ်။