ကချင်ပြည်နယ် ဖားကန့်မှာ တိုက်ပွဲတွေပြန်ဖြစ်
ကချင်ပြည်နယ် ဖားကန့်မြို့နယ် ကာမိုင်း မြို့နယ်ခွဲ ကပ်မှော်ဇွပ်ကျေးရွာအုပ်စု စပေါ်ကျေးရွာနားမှာ အစိုးရတပ်မ ၆၆ လက်အောက်ခံတပ်နဲ့ ကချင်လွတ်မြောက်ရေး တပ်မတော် ကေအိုင်အေ တပ်ရင်း ၆ တပ်တွေအကြား ဒီလ ၈ ရက်နေ့က တစ်ကြိမ်၊ ၁၀ရက်နေ့က တစ်ကြိမ် တိုက်ပွဲတွေဖြစ်ပွားခဲ့ပါတယ်။
-
2014-08-12 -
-
-
ကချင်ပြည်နယ် ဖားကန့်မြို့နယ် ကာမိုင်းမြို့နယ်ခွဲ ကပ်မှော်ဇွပ်ကျေးရွာအုပ်စု စပေါ်ကျေးရွာနားမှာ အစိုးရတပ်မ ၆၆ လက်အောက်ခံတပ်နဲ့ ကချင် လွတ်မြောက်ရေးတပ်မတော် ကေအိုင်အေ တပ်ရင်း ၆ တပ်တွေအကြား ဒီလ ၈ ရက်နေ့က တစ်ကြိမ်၊ ၁၀ရက်နေ့က တစ်ကြိမ် တိုက်ပွဲတွေဖြစ်ပွားခဲ့ပါတယ်။
တိုက်ပွဲဖြစ်ပွားခဲ့တဲ့ အခြေအနေနဲ့ပတ်သက်ပြီး ကေ အိုင်အေ တပ်ရင်း ၆ တာဝန်ခံ ဗိုလ်မှူးတန်ဆန့်က အခုလို ပြောပါတယ်။
"အကြမ်းဖျင်းတော့ ကျနော်တို့ရဲ့စခန်းကို သူတို့ဝင်လာ တယ် ဝင်တိုက်တယ်ပေါ့ဗျာ၊ ကျနော်တို့ တပ်ရင်း ၆ ပေါ့၊ ဟိုဘက်ကတော့ တပ်မ ၆၆ လက်အောက်ခံ၊ ကျနော်တို့ ကတော့ ကျနော်တို့ နယ်မြေမှာ ကျနော်တို့ နေတာလေ၊ သူတို့က နယ်မြေစိုးမိုးရေးဆိုပြီး ကျနော်တို့ နယ်ထဲဝင် လာပြီးမှ ဖြစ်သွားတဲ့ကိစ္စပါ"
အဲ့ဒီတိုက်ပွဲတွေကြောင့် နှစ်ဘက်ထိခိုက်မှုတွေရှိတယ်လို့ သတင်းတွေထွက်နေပေမယ့် အစိုးရနဲ့ ကေအိုင်အေတို့က အသေးစိတ် မထုတ်ပြန်သေးပါဘူး။