ရွှေလီမြို့မှာ ကျင်းပတဲ့ အစိုးရ နဲ့ ကေအိုင်အို ငြိမ်းချမ်းရေး ဆွေးနွေးပွဲ

• 
  2013-02-04

ဖေဖော်ဝါရီလ မကုန်ခင် နောက်ထပ် ဆွေးနွေးပွဲဖြစ်မြောက်အောင် KIO အဖွဲ့က ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC အဖွဲ့နဲ့ ညှိနှိုင်းဖို့ရှိတယ်လို့ ဖေါ်ပြထားပါတယ်။

အရင်က ငြိမ်းချမ်းရေးဆွေးနွေးပွဲတွေကို တစ်ဖွဲ့ခြင်းမဟုတ်ပဲ UNFC အဖွဲ့နဲ့သာ ဆွေးနွေးရင် သင့်တော်မယ်လို့ ကေအိုင်အိုဖက်က ပြောထားခဲ့ပါတယ်။

ရွှေလီမြို့၊ ချင်ချန်းဟိုတယ်မှာပြုလုပ်တဲ့ ဒီကနေ့ ဆွေးနွေးပွဲကို မနက် ၉ နာရီက စတင်တာဖြစ်ပြီး  ညနေ ၄ နာရီခွဲမှာ ပြီးဆုံးပါတယ်။

ဆွေးနွေးပွဲမှာ တရုတ်နိုင်ငံခြားရေးဌာန အရှေ့တောင်အာရှရေးရာ သံအရာရှိတစ်ဦး အပါအဝင် KNU အဖွဲ့ ဥက္ကဌ ဗိုလ်ချုပ်ကြီး မူတူးဆေးဖိုးနှင့် အတွင်းရေးမှူး ပဒိုစောကွယ်ထူးဝင်း အပြင် RCSS/SSA ရှမ်းအဖွဲ့ဝင်များ သက်သေအဖြစ် တက်ရောက်ခဲ့ကြပါတယ်။

ဆွေးနွေးပွဲမှာ အစိုးရငြိမ်းချမ်းရေး ဖေါ်ဆောင်ရေးအဖွဲ့က ပြည်ထောင်စုဝန်ကြီး ဦးအောင်မင်းနဲ့ ဦးအုန်းမြင့်တို့ ခေါင်းဆောြင်ပီး KIOအဖွဲ့က  ဦးဆလွတ်ဂမ်နဲ့ ဗိုလ်ချုပ်ဂွမ်မော် တို့ ဦးဆောင်ကြတာဖြစ်ပါတယ်။

ဒီကနေ့ ဆွေးနွေးပွဲကို တက်ရောက်ခဲ့တဲ့ ငြိမ်းချမ်းရေး အကျိုးတော်ဆောင်တစ်ဦးဖြစ်သူ ဦးလှမောင်ရွှေကို RFA အဖွဲ့သား ဦးတင်အောင်ခိုင် ဆက်သွယ်မေးမြန်းထားတာ နားဆင်နိုင်ပါတယ်။