ကေအိုင်အိုနဲ့ ကချင် တိုင်းရင်းသားတွေ ၃ရက်ကြာ တွေ့ဆုံ

"မေးခွန်းထုတ်ကြတာတော့ရှိတာပေါ့။ ဒါပေမဲ့ ကေအိုင်အိုက အခုလက်ရှိနိုင်ငံရေး အခြေအနေကတော့ ဒီအစိုးရနဲ့ ဒါမှမဟုတ်လို့ရှိရင် တပ်မတော်နဲ့ထိတွေ့ပြီးမှ တကယ့်လက်တွေ့မှာ သူတို့နဲ့ တွေ့ဆုံဆွေးနွေး တာ မရှိသေးဘူးပေါ့။ အဲ့ဒါနဲ့ပတ်သက်လို့ ပြန်ရှင်းပြထားတာပါ။"

ကချင်တိုင်းရင်းသားတွေအနေနဲ့ စစ်ဘေးဒုက္ခသည်စခန်းတွေမှာ နှစ်ကာလရှည်ကြာစွာနေထိုင်လာရတဲ့အတွက် အခက်အခဲတွေရှိနေပြီး စစ်ပြေငြိမ်းရေးကို လိုလားကြောင်း တင်ပြတာတွေရှိတယ်လို့ ပြောပါတယ်။

ကေအိုင်အိုဘက်ကလည်း စစ်မှန်တဲ့ဖက်ဒရယ်ပြည်ထောင်စု တည်ထောင်နိုင်ဖို့အတွက် စစ်ရေးနည်း အရဖြစ်ဖြစ် နိုင်ငံရေးအရဆွေးနွေးတဲ့နည်းနဲ့ဖြစ်ဖြစ် ရှေ့ဆက်သွားရမှာဖြစ်တဲ့အကြောင်း ရှင်းပြခဲ့တယ်လို့ ဆိုပါတယ်။

ဒါ့အပြင် ညီညွတ်သော လူမျိုးများဖက်ဒရယ်ကောင်စီ UNFC အနေနဲ့ အစိုးရနဲ့ ငြိမ်းချမ်းရေးဆွေးနွေးရာမှာ NCA လမ်းကြောင်းအတိုင်း ဆောင်ရွက်မှာဖြစ်တဲ့အတွက် UNFC ကနေ KIO က နှုတ်ထွက်လိုက်တာ ဖြစ်တဲ့အကြောင်း ကိုလည်း ရှင်းပြခဲ့တယ်လို့ သိရပါတယ်။