မန္တလေးရဲတပ်ဖွဲ့ဝင်နှစ်ဦး စကားများရာမှ အချင်းချင်း ပစ်ခတ်မှုဖြစ်

• 
  2018-08-17

မန္တလေးမြို့ မဟာအောင်မြေမြို့နယ်၊ သံလျပ်မှော်အရှေ့ရပ်ကွက်မှာရှိတဲ့ ရဲကင်းက တာဝန်ကျရဲဝန်ထမ်း နှစ်ဦးဟာ လှည့်ကင်းထွက်ဖို့ ပြင်ဆင်နေစဉ်မှာ အချေအတင် စကားများပြီး သေနတ်နဲ့ ပစ်ခတ်မှုဖြစ်ပွားခဲ့တာကြောင့် ရဲဒုတပ်ကြပ် တစ်ဦး ဒဏ်ရာရှိခဲ့တယ်လို့ မန္တလေးတိုင်း ရဲတပ်ဖွဲ့ရုံးက သိရပါတယ်။

ဒီပစ်ခတ်မှုဟာ မနေ့ ည ၉ နာရီခန့်က  ဖြစ်ပွားခဲ့တာဖြစ်ပါတယ်။

ဒုတပ်ကြပ်တစ်ဦးနဲ့ ရဲတပ်သားတို့ စကားများပြီး ရဲတပ်သားက ဒုတပ်ကြပ်ကို ၁၂ ဗို့ ပြောင်းချောသေနတ်နဲ့  ပစ်ခတ်ခဲ့ တာကြောင့်  ဒုတပ်ကြပ်ဟာ ညာဘက်ပေါင်ရင်းမှာ သုံးလက်မခန့် ပွင့်ထွက်ဒဏ်ရာနဲ့  နားနောက်ပေါက်ပြဲဒဏ် ရာတွေ ရခဲ့ပါတယ်။

ဒဏ်ရာရရှိခဲ့တဲ့ ဒုတပ်ကြပ်ဟာ လက်ရှိမှာ မန္တလေးပြည်သူ့ဆေးရုံကြီးမှာ ဆေးကုသမှုခံယူနေရပြီး သေနတ်နဲ့ ပစ်ခတ်ခဲ့တဲ့ ရဲတပ်သားကိုတော့ ရဲစည်းကမ်းထိန်းသိမ်းရေးဥပဒေနဲ့ အရေးယူဆောင်ရွက်သွားမှာဖြစ်တယ်လို့ သိရပါတယ်။