လူထုကို စစ်ပညာသင်ပေးဖို့ အင်ဒိုနီးရှားက မြန်မာ ကို ပြောကြား

• 
  2016-11-16

မြန်မာနိုင်ငံအနေနဲ့ အကြမ်းဖက်မှုအပါအဝင် လုံခြုံရေးပြသနာတွေကို ဖြေရှင်းရေးအတွက် အင်ဒိုနီးရှားနိုင်ငံမှာ ကျင့်သုံးနေတဲ့ Bela Negara ဘယ်လာ နေဂါရာ ခေါ် လူထုကို စစ်ရေးလေ့ကျင့်ခန်းတွေ သင်ကြားပေးတဲ့ အစီအစဉ်ကို မြန်မာ့နည်းမြန်မာ့ဟန်နဲ့ ကျင့်သုံးဖို့ အင်ဒိုနီးရှားကာကွယ်ရေးဝန်ကြီး Ryamizard Ryacudu ရီယာမိုင်ဇာ ရီယာကူဒူး က မြန်မာကာကွယ်ရေးဝန်ကြီး ဗိုလ်ချုပ်ကြီးစိန်ဝင်း ကို မနေ့က ပြောကြားလိုက်ပါတယ်။

အင်ဒိုနီးရှားကာကွယ်ရေးဝန်ကြီးက မြန်မာကာကွယ်ရေးဝန်ကြီးနဲ့ ဂျာကာတာမြို့မှာ မနေ့က တွေ့ဆုံရာမှာ အကြမ်းဖက်မှုတွေကို နှိမ်နှင်းဖို့အတွက် လူထုကသာလျှင် အဓိကအင်အားဖြစ်တယ်လို့ ပြောဆိုခဲ့ကြောင်း Jakarta Post သတင်းစာက ဖေါ်ပြပါတယ်။