လောက်ကိုင်မြို့ကို ချိန်ရွယ်ထားတဲ့ ဒုံးသီးတွေတွေ့ရှိ
ရှမ်းပြည်နယ်မြောက်ပိုင်း လောက်ကိုင် မြို့မှာ ပြီးခဲ့တဲ့စက်တင်ဘာလ ၁၅ ရက်နေ့ က ကိုးကန့်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌဟောင်း နေအိမ်ပေါက်ကွဲမှု ဖြစ်ပွား ပြီး ပေါက်ကွဲမှုဖြစ်ပွားခဲ့တဲ့ နေအိမ်အနီးတဝိုက်မှာ ဒုံးသီး သံထည် အပိုင်းအစတွေ သိမ်းဆည်းရမိခဲ့ပြီး စစ်ဆေး ချက်တွေအရ လောက်ကိုင်မြို့ အနောက်မြောက်ဘက် ၁ မိုင်အကွာ ကုန်းစောင်းတဝိုက်ကနေ ပစ်ခတ်ခဲ့ တာဖြစ်ကြောင်း တပ်မတော်က သတင်းထုတ်ပြန်ပါတယ်။
-
2016-09-18 -
-
-
ရှမ်းပြည်နယ်မြောက်ပိုင်း လောက်ကိုင်မြို့မှာ ပြီးခဲ့တဲ့စက်တင်ဘာလ ၁၅ ရက်နေ့က ကိုးကန့်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌဟောင်း နေအိမ်ပေါက် ကွဲမှု ဖြစ်ပွားပြီး ပေါက်ကွဲမှုဖြစ်ပွားခဲ့တဲ့ နေအိမ်အနီးတဝိုက်မှာ ဒုံးသီးသံထည် အပိုင်းအစတွေ သိမ်းဆည်းရမိခဲ့ပြီး စစ်ဆေးချက်တွေအရ လောက်ကိုင်မြို့ အနောက်မြောက်ဘက် ၁ မိုင်အကွာ ကုန်းစောင်းတဝိုက်ကနေ ပစ်ခတ်ခဲ့တာဖြစ်ကြောင်း တပ်မတော်က သတင်းထုတ်ပြန်ပါတယ်။
စစ်ဆေးတွေ့ရှိတဲ့ ဒုံးသီးအပိုင်းအစတွေဟာ ကိုးကန့်တပ်မတော် MNDAA အဖွဲ့ အသုံးပြုတဲ့ ၁၀၇ မမ ဒုံးပစ်လောင်ချာ အစိတ်အပိုင်းတွေဖြစ်ပြီး အဲဒီဒုံးသီးတွေဟာ အကွာအဝေး ၅ မိုင်ခန့်အထိ ပစ်ခတ်နိုင်တယ်လို့လည်း ဖော်ပြထားပါတယ်။
ပေါက်ကွဲမှုဖြစ်ပွားပြီးနောက်တစ်နေ့မှာ တပ်မတော်စစ်ကြောင်းနဲ့ ရဲတပ်ဖွဲ့ဝင်တွေဟာ လောက်ကိုင်မြို့အနောက်မြောက်ဘက် ၂ မိုင်ခန့်အကွာ တောင်ကြောတဝိုက် မှာ ဒုံးသီး ၂၂ လုံးကို တွေ့ရှိခဲ့ပါတယ်။
အဲဒီဒုံးသီးတွေဟာ အချိန်ထိန်းကိရိယာနဲ့ လောက်ကိုင်မြို့ရဲ့အဓိကနေရာတွေကို ပစ်ခတ်ဖို့ ချိန်ရွယ်ထားကြောင်း တေ့ွရှိခဲ့တယ်လို့ ပါရှိပါတယ်။