ကိုးကန့်တပ် ပြောခွင့်ရသူကို ဖမ်းဝရမ်းထုတ်
မြန်မာအမျိုးသား ဒီမိုကရေစီမဟာမိတ် တပ်မတော် MNDAA အတွင်းရေးမှူး ဦးထွန်းမြတ်လင်းကို တပ်မတော် စစ်ခုံရုံးက ၁၉၅၀ ပြည့်နှစ် အရေးပေါ်စီမံမှုအက်ဥပဒေနဲ့ ဖမ်းဝရမ်းထုတ် ထားပြီး တိုင်းဒေသကြီးနဲ့ ပြည်နယ်တွေမှာ လိုက်လံရှာဖွေနေ တယ်လို့ ရှမ်းပြည်နယ် ဒုတိယရဲတပ်ဖဲ့ွမှူးရုံး တာဝန်ရှိသူ က ပြောပါတယ်။
-
2015-04-09 -
-
-
Your browser doesn’t support HTML5 audio
မြန်မာအမျိုးသား ဒီမိုကရေစီမဟာမိတ် တပ်မတော် MNDAA အတွင်းရေးမှူး ဦးထွန်းမြတ်လင်းကို တပ်မတော် စစ်ခုံရုံးက ၁၉၅၀ ပြည့်နှစ် အရေးပေါ်စီမံမှုအက်ဥပဒေနဲ့ ဖမ်းဝရမ်းထုတ်ထားပြီး တိုင်းဒေသကြီးနဲ့ ပြည်နယ်တွေ မှာ လိုက်လံရှာဖွေနေတယ်လို့ ရှမ်းပြည်နယ် ဒုတိယရဲတပ်ဖဲ့ွမှူးရုံး တာဝန်ရှိသူက ပြောပါတယ်။
ပြည်တွင်း ပြည်ပ မီဒီယာတွေကို သတင်းပေးတာတွေနဲ့ပတ်သက်ပြီး အရေးပေါ်စီမံမှုအက်ဥပဒေ ပုဒ်မ ၅(က)၊ ၅(င) အရ ဒီလ ၅ ရက်နေ့က ဖမ်းဝရမ်းထုတ်တာဖြစ်တယ်လို့ ရှမ်းပြည်နယ် ဒုတိယရဲတပ်ဖွဲ့မှူးရုံးက တာဝန်ရှိ သူ တစ်ဦးက ပြောပါတယ်။
"ပြည်တွင်းပြည်ပ မီဒီယာတွေကို သူရဲ့ကိုယ်ရေးအချက်အလက်တွေနဲ့ MNDAA အဖွဲ့မှ အတွင်းရေးမှူး ဖြစ် တယ်လို့လည်းပြောတယ်၊ ပြောရေးဆိုခွင့်ရှိသူလို့လည်းပြောတယ်၊ ၅ ရက် ၄ လ ၂ဝ၁၅ ရက်မှာ သူ့ကိုဖမ်းဝရမ်း ထုတ်လိုက်တာခင်ဗျ၊ ၁၉၅ဝ ပြည့်နှစ် အရေးပေါ်စီမံမှုအက်ဥပဒေ ပုဒ်မ ၅(က)၊ ၅(င) အရ တရားစွဲပြီးတော့ ဖမ်းဝရမ်းထုတ်ထားတာခင်ဗျ၊ ပြည်နယ်နဲ့တိုင်းကို သူနေထိုင်ခဲ့တဲ့ နာမည်တွေနဲ့ သူ့ရဲ့ဇာတိတွေကို အိမ်ထောင်စုဇယားမိတ္တူတွေ အားလုံးဖြန့်ဝေပြီးတော့ လိုက်လံရှာဖွေနေပါတယ်"
ဦးထွန်းမြတ်လင်းဟာ ကိုးကန့်တပ်မတော်ခေါင်းဆောင် ဦးဖုန်ကြားရှင်ရဲ့ ၅ ယောက်မြောက်သမီးရဲ့ ခင်ပွန်းဖြစ်ပါတယ်။
ဦးထွန်းမြတ်လင်းကို RFA သတင်းထောက် မပြုံးမို့မို့ဇင် ဆက်သွယ်မေးမြန်းထားတာ နားဆင်နိုင်ပါတယ်။