ဘင်္ဂလားဒေ့ရှ်ရောက် မြန်မာနယ်ခြားစောင့်ရဲတပ်ဖွဲ့ဝင် ၁၃၄ ယောက်ကို ပြန်ပို့
ဘင်္ဂလားဒေ့ရှ်ဘက် ထွက်ပြေးခဲ့ကြသည့် မြန်မာနယ်ခြားစောင့်ရဲတပ်ဖွဲ့ဝင်များအား ၂ဝ၂၄ ခုနှစ် ဖေဖော်ဝါရီခ ၁၅ ရက်နေ့က ပြန်လည်ပို့ဆောင်စဉ်။
Photo: AFP
ရခိုင်ပြည်နယ်က တိုက်ပွဲတွေအတွင်း ဘင်္ဂလားဒေ့ရှ်နိုင်ငံကို ထွက်ပြေးသွားကြတဲ့ မြန်မာနယ်ခြားစောင့်ရဲတပ်ဖွဲ့ဝင် ၁၃၄ ယောက်ကို မြန်မာဘက် ပြန်ပို့လိုက်တယ်လို့ UNB သတင်းမှာ ဇွန်လ ၉ ရက်နေ့က ဖော်ပြပါတယ်။
တစ်ချိန်တည်းမှာပဲ ရခိုင်ပြည်နယ်မှာ ဖမ်းဆီးထိန်းသိမ်းခံထားရတဲ့ ဘင်္ဂလားဒေ့ရှ်နိုင်ငံသား ၄၅ ယောက်ကိုလည်း ဘင်္ဂလားဒေ့ရှ်ဘက်ကို မြန်မာစစ်ကောင်စီ ရေတပ်သင်္ဘောနဲ့ မနေ့က ပြန်လည်လွှဲပြောင်းပေးခဲ့တယ်လို့ ဆိုပါတယ်။
ရခိုင်ပြည်နယ်အတွင်း စစ်ကောင်စီနဲ့ ရက္ခိုင့်တပ်တော် (AA) တို့ တိုက်ပွဲတွေပြင်းထန်နေတာကြောင့် နယ်ခြားစောင့်ရဲတပ်ဖွဲ့ဝင်တွေအပါအဝင် စစ်ကောင်စီ ဝန်ထမ်းတွေဟာ ဘင်္ဂလားဒေ့ရှ်နိုင်ငံကို ထွက်ပြေးသွားကြတာ ဖြစ်ပါတယ်။
ဒီနှစ်အတွင်း မြန်မာနယ်ခြားစောင့်ရဲတပ်ဖွဲ့ဝင် စုစုပေါင်း ၇၅၂ ယောက်အပါအဝင် ဘင်္ဂလားဒေ့ရှ်ဘက် ထွက်ပြေးလာသူတွေကို အသုတ်သုံးသုတ်ခွဲပြီး မြန်မာနိုင်ငံကို ပြန်လည်လွှဲပြောင်းပေးထားပြီး ဖြစ်ကြောင်း သတင်းမှာ ဖော်ပြထားပါတယ်။
အလားတူ ဘင်္ဂလားဒေ့ရှ်နိုင်ငံသား စုစုပေါင်း ၂၁၈ ယောက်ကိုလည်း နေရပ်ကို ပြန်လည်ခေါ်ဆောင်ခဲ့တယ်လို့ ဆိုပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်