ရွေးကောက်ပွဲမှာ လက်နက်ကိုင် တပ်တွေ ဝင်မစွက်နိုင်အောင် လုပ်ပေးဖို့ NBF တောင်းဆို

" ပြောမယ်ဆိုရင်တော့ ဒီတိုင်းရင်းသားလက်နက်ကိုင်တွေဟာ ရွေးကောက်ပွဲနဲ့ ပတ်သက်ပြီးတော့ တော်တော် များများ ဝင်ရောက်စွက်ဖက်ထားတာ ဦးတို့တွေ့ရတယ်ပေါ့။ အားလုံးလည်းသိတယ်။ အစိုးရလည်းသိ တယ်။ ကော်မရှင်ကလည်းသိတယ်။ ဒါပေမဲ့ ဘာမှတိုင်တာတောတာ ပြဿနာတွေ မလုပ်ခဲ့ဘူးပေါ့။ ဒါပေမဲ့ အဲ့တစ်ကြိမ်ပဲပြီးပါစေတော့။ နောက်လာမယ့်ကိစ္စတွေမှာ တိုင်းရင်းသား လက်နက်ကိုင်အဖွဲ့တွေ နောက်လာ မယ့်ရွေးကောက်ပွဲတွေမှာ ဘက်မလိုက်ဖို့၊ သူတို့နိုင်စေချင်တဲ့ ဘက်ကိုဖိအားပေးတာ။ မဲပေးဖို့ ဖိအားပေး တာ ပြည်သူတွေကို။ အဲ့ဒီအထောက်အထားတွေက ဦးတို့ အားလုံးရှိတယ်။ ရှမ်းပြည်မှာဆိုရင်။"

လာမယ့် ၂၀၁၇ ခုနှစ် ဧပြီလ ၁ ရက်နေ့မှာ ရန်ကုန်၊ စစ်ကိုင်း၊ ပဲခူး၊ မွန်၊ ရခိုင်၊ ရှမ်း၊ ချင်းနဲ့ ကယားပြည်နယ်တွေက လစ်လပ်မဲဆန္ဒနယ်မြေ ၁၉ ခုမှာ ကြားဖြတ်ရွေးကောက်ပွဲ ကျင်းပပေးသွားမယ်လို့ ရွေးကောက်ပွဲကော်မရှင် က အောက်တိုဘာလ ၂၃ ရက် နေ့က ထုတ်ပြန်ကြေညာထားပါတယ်။

လစ်လပ်မဲဆန္ဒနယ်မြေ ၁၉ နေရာထဲက ၈ နေရာဟာ ရှမ်းပြည်နယ်အတွင်းက ကျိုင်းတုံ၊ ညောင်ရွှေ၊ မိုင်းရှူး နဲ့ ကျေးသီးမြို့နယ်တွေက ဖြစ်ပါတယ်။

မိုင်းရှူးနဲ့ ကျေးသီးမြို့နယ်တွေဟာ ရှမ်းပြည်တိုးတက်ရေးပါတီ၊ ရှမ်းပြည်တပ်မတော် SSPP/SSA က တပ်တွေ လှုပ်ရှားတဲ့ နေရာဖြစ်ပြီး ပြီးခဲ့တဲ့ ၂၀၁၅ အထွေထွေရွေးကောက်ပွဲကာလက နယ်မြေ မအေးချမ်း တာကြောင့် ရွေးကောက်ပွဲ ကျင်းပဖို့ ချန်လှပ်ထားခဲ့တဲ့ နယ်မြေတွေ ဖြစ်ပါတယ်။

ညီနောင်တိုင်းရင်းသားပါတီများ ဖက်ဒရေးရှင်း NBF ကို ရှမ်းတိုင်းရင်းသားများ ဒီမိုကရက်တစ်ပါတီ၊ ရခိုင်အမျိုးသား ပါတီ၊ ဖလုံ-စဝေါ်ဒီမိုကရက်တစ်ပါတီ၊ ချင်းအမျိုးသားဒီမိုကရက်တစ်ပါတီ အစရှိတဲ့ တိုင်းရင်းသားပါတီ ၂၂ ပါတီနဲ့ ဖွဲ့စည်းထားပြီး NBF ရဲ့၂၇ ကြိမ်မြောက်ညီလာခံကို ဒီနေ့ ရန်ကုန်မြို့မှာကျင်းပခဲ့တာဖြစ်ပါတယ်။