အမျိုးသား ဒီမိုကရေစီ အဖွဲ့ချုပ် နိုင်ငံလုံးဆိုင်ရာ ညီလာခံစတင်
အမျိုးသားဒီမိုကရေစီအဖွဲ့ချုပ်ပါတီရဲ့ ပထမဆုံးအကြိမ် နိုင်ငံလုံးဆိုင်ရာညီလာခံကို မတ်လ ၈ ရက် ဒီကနေ့မနက်ပိုင်းက ရန်ကုန်မြို့ ရွှေဂုံတိုင်မှာရှိတဲ့ တော်ဝင်နှင်းဆီ ခန်းမမှာ စတင်ကျင်းပခဲ့ပါတယ်။
-
2013-03-08 -
-
-
အမျိုးသားဒီမိုကရေစီအဖွဲ့ချုပ်ပါတီရဲ့ ပထမဆုံးအကြိမ် နိုင်ငံလုံးဆိုင်ရာညီလာခံကို မတ်လ ၈ ရက် ဒီကနေ့မနက်ပိုင်းက ရန်ကုန်မြို့ ရွှေဂုံတိုင်မှာရှိတဲ့ တော်ဝင်နှင်းဆီခန်းမမှာ စတင်ကျင်းပခဲ့ပါတယ်။
ဒီကနေ့စတင်တဲ့ ညီလာခံကနေ အမျိုးသားဒီမိုကရေစီအဖွဲ့ချုပ်ကို ဦးဆောင်မယ့် ဗဟိုကော်မတီ ၁၂၀ နဲ့ အရန်ကော်မတီ ၃၀ ကို ရွေးချယ်သွားမှာ ဖြစ်တယ်လို့ ပါတီပြောခွင့်ရသူ ဦးအုန်းကြိုင်က RFA ကို ပြောပါတယ်။
ညီလာခံကို မတ်လ ၈ ရက် ဒီကနေ့ကနေ မတ်လ ၁၀ ရက်နေ့အထိ ၃ ရက်ကြာ ကျင်းပမှာဖြစ်ပြီး တိုင်း၊ ပြည်နယ်၊ ခရိုင်တွေက ကိုယ်စားလှယ် စုစုပေါင်း ၉၀၀ခန့် တက်ရောက်နေတာလို့ သိရပါတယ်။
ပါတီဦးဆောင်မှုရွေးချယ်ပွဲကို မြန်မာနိုင်ငံမှာ ဒီမိုကရေစီနည်းလမ်းအကျဆုံး ပါတီကြီးဖြစ်အောင် လုပ်ဆောင်သွားမယ်လို့ သဘာပတိအဖွဲ့နာယက ဦးတင်ဦးက ဒီကနေ့ အခမ်းအနား ဖွင့်ပွဲမှာ ထည့်သွင်း ပြောဆိုခဲ့ပါတယ်။
ဒီညီလာခံကနေ ရွေးချယ်လိုက်တဲ့ ပါတီခေါင်းဆောင်တွေဟာ လာမယ့် ၂၀၁၅ရွေးကောက်ပွဲမှာ ပြည်သူတွေရဲ့ထောက်ခံမှုတွေပိုရလာအောင် ကြိုးပမ်းသွားကြရမယ်လို့လည်း သဘာပတိအဖွဲ့ နာယက ဦးတင်ဦးက ပြောခဲ့ပါတယ်။