ရခိုင်ဒုက္ခသည်ကူညီရေး အရေးပေါ် အဆို ပြည်သူ့လွှတ်တော် ပယ်ချ

• 
  2016-05-10

ရခိုင်ပြည်နယ်မှာဖြစ်ပွားနေတဲ့ တိုက်ပွဲတွေကြောင့် ထွက်ပြေးတိမ်းရှောင်နေရတဲ့ စစ်ဘေးဒုက္ခသည်တွေ ကို ပြည်ထောင်စုအစိုးရအနေနဲ့ ကူညီထောက်ပံ့မှုတွေ အမြန်ဆုံးလုပ်ဆောင်ပေးဖို့ တိုက်တွန်းတဲ့ အရေးကြီး အဆိုကို ပြည်သူ့လွှတ်တော်မှာ တင်ပြဆွေးနွေးဖို့ကို ခွင့်မပြုဘဲ လွှတ်တော် ဥက္ကဌ ဦးဝင်းမြင့် က ပယ်ချလိုက် ပါတယ်။

ပြည်သူ့လွှတ်တော်မှာ အရေးကြီးအဆိုအဖြစ် တင်သွင်းခွင့်မပြုတဲ့အတွက် ဒုက္ခသည်တွေကို အကူအညီပေးဖို့ ကိစ္စကို နိုင်ငံတော်သမ္မတနဲ့ နိုင်ငံတော်အတိုင်ခံပုဂ္ဂိုလ် ဒေါ်အောင်ဆန်းစုကြည်ထံ စာရေးပြီး တောင်းဆိုသွားမယ် လို့ အဆိုတင်သွင်းဖို့ ကြိုးစားခဲ့တဲ့ လွှတ်တော်ကိုယ်စားလှယ် ဒေါ်ခင်စောေ၀ က ပြောပါတယ်။

"ပြည်ထောင်စုကို တင်ဖို့လုပ်မလားဆိုတာ ကျမတို့တွေက ပြည်ထောင်စုက ပယ်ချလိုက်တယ်ဆိုရင်လည်း မကောင်းတော့ဘူးပေါ့နော်၊ နောက်ပြည်သူ့လွှတ်တော်ကတောင် လက်မခံတဲ့အတွက် ကျမတို့ လွှတ်တော် ကိုယ်စားလှယ် ၂၂ ယောက်စလုံးက သမ္မတကိုရော အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဆီကိုရော ကျမတို့ ရေရှည်မှာအဆင်ပြေနိုင်ရေးအတွက် ကျမတို့ ဘေးဒုက္ခကယ်ဆယ်ရေးကို ပြည်ထောင်စုအစိုးရအနေနဲ့ ကူညီပေးဖို့ကို စာတင်ပြီးတော့ တောင်းဆိုသွားမယ်လို့ ဆုံးဖြတ်လိုက်တဲ့အတွက် အခုဆိုရင်ကျမတို့ ဒီတစ်ရက် နှစ်ရက်အတွင်းမှာပဲ တင်ဖို့ရှိပါတယ်"