ငြိမ်းချမ်းရေးဆု လက်ခံဖို့ ကိုမင်းကိုနိုင် နော်ဝေ သို့ထွက်ခွါ

• 
  2013-02-14

ဒီခရီးစဉ်မှာ နော်ဝေနိုင်ငံ စထရာဟမ်းမြို့က ချီးမြှင့်တဲ့ ကျောင်းသားငြိမ်းချမ်းရေးဆုကို မနက်ဖန်မှာ လက်ခံရယူသွားမယ်လို့ ခရီးစဉ်နဲ့ ပတ်သက်ပြီး ကိုပြုံးချိုက RFA ကို အခုလို ပြောပါတယ်။

"ဒီနေ့ ၁၄ ရက်နေ့ ရန်ကုန်ကနေ စထွက်မယ်၊ ၁၅ ရက်နေ့မှာ နော်ဝေနိုင်ငံမှာ ပြုလုပ်မယ့် ထာဝရငြိမ်းချမ်းရေး ဆုယူဖို့ရှိတယ်၊ ၁၆ ရက်နေ့မှာ မြန်မာကျောင်းသားတွေနဲ့ မြန်မာမိသားစုတွေနဲ့ တွေ့မယ်၊ ၁၇ ရက်နေ့မှာတော့ အော်စလိုကိုရောက်မယ်"

ဒီခရီစဉ်အတွင်းမှာ နော်ဝေနိုင်ငံရဲ့ နိုင်ငံခြားရေးဝန်ကြီးနဲ့တွေ့ဆုံမှာဖြစ်ပြီး မြန်မာအသိုင်းအဝိုင်းနဲ့လည်း တွေ့ဆုံသွားမယ့်အပြင် အဲဒီနိုင်ငံမှာပဲ ခရီးစဉ်နဲ့ပတ်သက်ပြီး သတင်းစာရှင်းလင်းပွဲ ပြုလုပ်သွားမယ်လို့လည်း ကိုပြုံးချိုက ပြောပါတယ်။

ကိုမင်းကိုနိုင်နဲ့ကိုပြုံးချိုတို့ဟာ နော်ဝေနိုင်ငံခရီးစဉ်အပြီးမှာ ပြင်သစ်နဲ့ ဒိန်းမတ်နိုင်ငံတွေကို သွားရောက်လည်ပတ်မှာဖြစ်ပြီး ဒီခရီးစဉ်ဟာ ဒီကနေ့ ဖေဖေါ်ဝါရီ ၁၄ ရက်နေ့ကနေ ဖေဖေါ်ဝါရီ ၂၂ ရက်နေ့ထိ ၉ ရက် ကြာသွားရောက်မယ်လို့ သိရပါတယ်။