ဖားကန့်ကျောက်စိမ်းတွင်းက တစ်နိုင်တစ်ပိုင် လုပ်စားသူတွေကို ဒေသခံရဲက နှင်ထုတ်

• 
  2012-12-23

ဒီကနေ့ ဖြစ်ရပ်ဟာ ဖားကန့်မြို့နယ် မှော်စီစာကျေးရွာနားက ရတနာစိမ်း ကျောက်မျက်တူးဖော်ရေးကုမ္ပဏီ နဲ့ စံတော်ဝင် ကုမ္ပဏီ လုပ်ကွက်နှစ်ခုကြားက စွန့်ပစ်မြေစာပုံမှာ ဖြစ်ပွားခဲ့တာဖြစ်ပြီး၊ကျောက်စိမ်းလုပ်ကွက် စွန့်ပစ်မြေစာပုံတွေမှာ တစ်နိုင်တစ်ပိုင် လုပ်ကိုင်သူ ဒေသခံတစ်ဦးက RFA ကိုအခုလို ပြောပါတယ်။

"မနက် ၈ နာရီလောက်က လုံးခင်းအခြေစိုက် ရဲအယောက်နှစ်ဆယ်က လူတွေကိုမောင်းထုတ်ပြီးတော့ စက် ၁၂ လုံးကို မီးပုံရှို့တယ်။တစ်ချို့ရဲတွေက တစ်ချို့တဲတွေကဆီက အကျီၤအဝတ်အစားနဲ့မှတ်ပုံတင်တွေကို သိမ်းလိုက်တယ်။တဲကိုမီးမရှို့စေချင်ရင် ပိုက်ဆံပေးရမယ်ဆိုပြီး ပိုက်ဆံတောင်းတယ်။ညနေသုံးနာရီမှပဲ ပြန်သွားတယ်ဗျ"

မှော်စီစာကျေးရွာ ပတ်ဝန်းကျင် အခြေစိုက် ကျောက်တူးဖော်ရေး ကုမ္မဏီတွေက မလိုချင်တော့တဲ့ စွန့်ပစ်မြေစာပုံတွေမှာ တနိုင်တပိုင် လုပ်ကိုင်နေသူ အနည်းဆုံး နှစ်သောင်းကျော်လောက် ရှိမယ်လို့ ဒေသခံတွေက ပြောပါတယ်။