ရခိုင်ဒုက္ခသည်ထောင်ကျော်ကို ပြန်လည်နေရာချထားရန် စီစဉ်
ပဋိပက္ခတွေ ဖြစ်ပွားနေတဲ့ ရခိုင်ပြည်နယ် အနောက်ပိုင်း မှာ နေရာရွှေ့ပြောင်း ခဲ့ကြရတဲ့ ထောင်နဲ့ချီတဲ့ ပြည်သူလူထုတွေကို ဖြစ်နိုင်သမျှ အမြန်ဆုံး ပြန်လည် နေရာချထားရေးတွေကို ဦးစားပေး ဆောင်ရွက်နေကြောင်း နိုင်ငံခြားရေးဝန်ကြီး ဦးဝဏ္ဏမောင်လွင်က လာအို နိုင်ငံမှာကျင်းပနေတဲ့ အာရှ ဥရောပ ဆွေးနွေးပွဲမှာ ပြောဆိုခဲ့ပါတယ်။
-
2012-11-05 -
-
-
မောင်တောမြို့နယ်၊ဗောဓိကုန်း ဒုက္ခသည်စခန်းကို စက်တင်ဘာ ၂၅ ရက်နေ့က တွေ့ရစဉ်။
Photo:RFA/Moe Thu Aung
အစိုးရအနေနဲ့ အခုလတ်တလော ဦးစားပေးကိစ္စဟာ အိုးအိမ်မဲ့ ဒုက္ခသည်တွေကို ပြန်လည်နေရာချထားရေးနဲ့ ပြန်လည်ထူထောင်ရေးတွေပဲဖြစ်ပါတယ်။ နောက်ထက် အကြမ်းဖက်တာတွေ ထပ်မံဖြစ်ပွားမလာအောင်လည်း အစိုးရက သတိကြီးကြီး နဲ့ ကိုင်တွယ်ဆောင်ရွက်နေပါတယ်။
ရခိုင် ပဋိပက္ခမှာ နောက်ကွယ်က လှုံ့ဆော်နေသူတွေ၊ ပြဿနာ ပိုမိုကြီးထွားအောင် လုပ်နေသူတွေရှိပါတယ်၊ မိမိတို့အနေနဲ့ ဘယ်လို လှုံ့ဆော်တာမျိုးကိုမှ အားပေးမှာ မဟုတ်တဲ့အပြင် ပြဿနာဖြေရှင်းရေးအတွက် ဘယ်လို အစွန်းရောက် အယူအဆမျိုးကိုမှ လက်ခံမှာမဟုတ်ပါဘူးလို့လည်း ဦးဝဏ္ဏမောင်လွင်က ပြောဆိုခဲ့ပါတယ်။