လှေစီး ရိုဟင်ဂျာဒုက္ခသည် ၁ဝဝ ခန့် အင်ဒိုနီးရှား ကမ်းခြေရောက်ရှိ
အင်ဒိုနီးရှားနိုင်ငံ အာချေးပြည်နယ်ကို ရိုဟင်ဂျာ ၁၀၀ လောက် ရောက်ရှိလာတယ်လို့ ဒေသဆိုင်ရာ ငါးလုပ်ငန်း အကြီးအကဲက ပြောကြားပါတယ်။
-
RFA Burmese
2023-11-14 -
-
-
အင်ဒိုနီးရှားနိုင်ငံ အာချေးပြည်နယ်ကို ရိုဟင်ဂျာ ၁၀၀ လောက် ရောက်ရှိလာတယ်လို့ ဒေသဆိုင်ရာ ငါးလုပ်ငန်း အကြီးအကဲက ဒီနေ့ ပြောကြားပါတယ်။
အများစုက ကလေးနဲ့ အမျိုးသမီးတွေဖြစ်ပြီး အာဟာရမပြည့်ဝဘဲ အားကုန်နေကြတယ်လို့ ပြောပါတယ်။
ရိုဟင်ဂျာတွေဟာ ခနော်နီခနော်နဲ့လှေတွေနဲ့ မြန်မာ့အိမ်နီးချင်း ထိုင်းသာမက မလေးရှားနဲ့ အင်ဒိုနီးရှားကိုသွားဖို့ ကြိုးစားကြတာနှစ်နဲ့ ချီနေပါပြီ၊ အထူးသဖြင့် ပင်လယ်ရေပြင် ငြိမ်သက်တဲ့ နိုဝင်ဘာနဲ့ ဧပြီကြားမှာ ပင်လယ်ဖြတ်သန်းပြီး အဲဒီနိုင်ငံတွေ ရောက်အောင် ကြိုးစားကြတယ်လို့ Reuters သတင်းက ဖော်ပြပါတယ်။
ပင်လယ်ခရီးကြမ်းအတွင်း ရောဂါဘယ၊ ဆာလောင်ငတ်မွတ်မှုနဲ့ ပင်ပန်းနွမ်းနယ်မှုကြောင့် ဘယ်ရွေ့ဘယ်မျှ သေဆုံးသလဲဆိုတာ အတိအကျ မသိရပါဘူး။
ဒီနှစ်အစောပိုင်းမှာ ရိုဟင်ဂျာတွေ အင်ဒိုနီးရှားကို ရာနဲ့ချီရောက်ရှိလာပါတယ်။ ၂၀၂၂ ဟာ ဆယ်စုနှစ်နီးပါးအတွင်း ပင်လယ်ပြင်မှာ ရိုဟင်ဂျာတွေ အများဆုံးသေဆုံးတဲ့နှစ်ဖြစ်တယ်လို့ UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ပြောပါတယ်။