ဘင်္ဂလားဒေ့ရှ်က ရိုဟင်ဂျာဒုက္ခသည်စခန်း မီးလောင်၊ လူငါးထောင်ကျော် အိုးအိမ်မဲ့ဖြစ်
ဘင်္ဂလားဒေ့ရှ်နိုင်ငံက ရိုဟင်ဂျာဒုက္ခသည်စခန်းတစ်ခုမှာ မီးလောင်ခဲ့လို့ ထောင်နဲ့ ချီတဲ့ဒုက္ခသည်တွေ အိုးမဲအိမ်မဲ့ဖြစ်သွားတယ်လို့ ရဲတပ်ဖွဲ့က တနင်္ဂနွေနေ့မှာ ပြော တဲ့အကြောင်း AFP သတင်းမှာ ဖော်ပြထားပါတယ်။
- 2022-01-09
-
-
-
ဘင်္ဂလားဒေ့ရှ်နိုင်ငံ Shafiullah Kata ဒုက္ခသည်စခန်းမှာ ၂၀၂၂ ဇန်နဝါရီ ၉ ရက်နေ့က မီးလောင်ခဲ့စဉ်
Photo: Maungdaw Daily News
ဘင်္ဂလားဒေ့ရှ်နိုင်ငံက ရိုဟင်ဂျာဒုက္ခသည်စခန်းတစ်ခုမှာ မီးလောင်ခဲ့လို့ ထောင်နဲ့ချီတဲ့ဒုက္ခသည်တွေ အိုးမဲအိမ်မဲ့ဖြစ်သွားတယ်လို့ ရဲတပ်ဖွဲ့က တနင်္ဂနွေနေ့မှာ ပြောတဲ့အကြောင်း AFP သတင်းမှာ ဖော်ပြထားပါတယ်။
အိမ်ပေါင်း ၁၂ဝဝ လောက် မီးလောင်ခံခဲ့ရတယ်လို့ ဒုက္ခသည်စခန်းလုံခြုံရေးရဲတပ်ဖွဲ့က ပြောပါတယ်။
တနင်္ဂနွေနေ့မနက် ၄ နာရီ ၄ဝ က ကော့စ်ဘဇားဒေသ ဒုက္ခသည်စခန်းအမှတ် ၁၆ မှာ မီးလောင်ခဲ့တာဖြစ်ပြီး ဒုက္ခသည် ငါးထောင်ကျော် အိုးမဲ့အိမ်မဲ့ဖြစ်သွားတယ်လို့ ဆိုပါတယ်။ လူထိခိုက်သေဆုံးမှု ရှိ၊ မရှိကိုတော့ မသိရသေးပါဘူး။ မနက် ၆နာရီခွဲလောက်မှာတော့ မီးကိုငြှိမ်းသတ်နိုင်ခဲ့ပါတယ်။ ပြီးခဲ့တဲ့ တနင်္ဂနွေနေ့ကလည်း တခြားဒုက္ခသည်စခန်းတစ်ခုက ကိုဗစ်ကုသရေးဌာန မီးလောင်လို့ ပျက်စီးခဲ့ရပါသေးတယ်။