စီးပွားရေး ထိပ်သီးဆွေးနွေးပွဲ ကျင်းပမည်

မြန်မာနိုင်ငံလုံးဆိုင်ရာ စင်ကာပူအဖွဲ့ချုပ် (SAM) က ဦးဆောင်ကျင်းပတဲ့ ပထမဦးဆုံးအကြိမ် စီးပွားရေး ထိပ်သီးဆွေးနွေးပွဲကို လာမယ့် နိုဝင်ဘာ ၁၅ ရက်နေ့ ရန်ကုန်မြို့မှာ ကျင်းပသွားမယ်လို့ သိရပါတယ်။

အဲဒီဆွေးနွေးပွဲကို မြန်မာနိုင်ငံဆိုင်ရာ စင်ကာပူ သံအမတ်ကြီး နဲ့ ပြည်ထောင်စု အစိုးရ အဖွဲ့ရုံးဝန်ကြီးဌာန ပြည်ထောင်စုဝန်ကြီး၊ မြန်မာနိုင်ငံ ရင်းနှီးမြှုပ်နှံမှုကော်မရှင် ဥက္ကဌ ဦးသောင်းထွန်း တို့ တက်ရောက်မှာဖြစ်ပြီး LOTTE ဟိုတယ်မှာ ကျင်းပသွားမှာဖြစ်ပါတယ်။

မြန်မာနိုင်ငံမှာရှိတဲ့ ထိပ်တန်းစီးပွားရေးလုပ်ငန်းရှင်တွေနဲ့ စီးပွားရေးကဏ္ဍအသီးသီးက အဖွဲ့အစည်းတွေကို ဖိတ်ခေါ်ပြီး စီးပွားရေးရာ၊ ဥပဒေရေးရာနဲ့ သက်ဆိုင်ရာ လုပ်ငန်းနယ်ပယ် တစ်ခုချင်းစီ အခြေအနေတွေကို ဆွေးနွေးကြမှာဖြစ်တယ်လို့ သိရပါတယ်။

မြန်မာနဲ့ စင်ကာပူနိုင်ငံက စီးပွားလုပ်ငန်းရှင်တွေရဲ့ စကားဝိုင်းလည်း ပါဝင်မှာဖြစ်ပါတယ်။

မြန်မာနိုင်ငံလုံးဆိုင်ရာ စင်ကာပူအဖွဲ့ချုပ်ဟာ မြန်မာနိုင်ငံ တဝှမ်းလုံးက လူမှုရေးအဖွဲ့အစည်းတွေအတွက် ရန်ပုံငွေ ရှာဖွေလှူဒါန်းပေးနေတဲ့ အဖွဲ့အစည်းတစ်ခုဖြစ်တယ်လို့ သိရပါတယ်။

ဒီသတင်းကို RFA သတင်းထောက် မသက်စုအောင် ပေးပို့တာပါ။