ဖမ်းဆီးခံတွေကို သံချပ်နဲ့ဖျော်ဖြေ

• 
  2016-04-05

သာယာဝတီခရိုင်တရားရုံးမှာ ဒီနေ့ ရုံးထုတ်တဲ့ ကျောင်းသား ကျောင်းသူတွေနဲ့ ဝန်းရံသူတွေကို အားပေးတဲ့ အနေနဲ့ တောင်ငူခရိုင် ဗကသ အဖွဲ့ဝင်တွေနဲ့ ဖွဲ့စည်းထားတဲ့ ကေတုအိုးေ၀ သံချပ်အဖွဲ့က သြင်္ကန်သံချပ်တွေ နဲ့ ဖျော်ဖြေခဲ့ကြပါတယ်။

ကေတုအိုးေ၀ သံချပ်အဖွဲ့ တရားရုံးမှာ လာရောက် ဖျော်ဖြေခဲ့တဲ့ အကြောင်း  သာယာဝတီအကျဉ်းထောင်မှာ အကျဉ်းကျနေတဲ့ ဗကသ ကျောင်းသူ မဖြိုးဖြိုးအောင် က အခုလို ပြောပါတယ်။

"ဒီနေ့ရုံးချိန်းမှာ တောင်ငူခရိုင် ဗကသကနေပြီးတော့ ကေတုအိုးဝေ သံချပ်တွေနဲ့ လာရောက် ပြီးတော့ ဖျော်ဖြေတာပါ၊ သေသေချာချာတော့ မတိုက်ထားဘူး၊ စာရွက်တွေထုတ်ပြီးတော့ အပြန် အလှန်ဖျော်ဖြေတဲ့သဘောပါ "

ဒီနေ့ တရားရုံးချိန်းမှာ တရားလိုပြသက်သေတွေ မလာတဲ့အတွက် အမှုမစစ်ဆေးနိုင်ဘဲ ရုံးထုတ် တဲ့ ကျောင်းသူူ ကျောင်းသားတွေကို မြင်းခြံ၊ ရန်ကုန်နဲ့ တောင်ငူက ဗကသကျောင်းသား ကျောင်းသူတွေ လာရောက်အားပေးခဲ့ကြပါတယ်။

သြင်္ကန်ကာလအတွင်း တောင်ငူ၊ မုံရွာ၊ ပြည် နဲ့ သာယာဝတီခရိုင် ဗကသ ကျောင်းသားတွေက သံချပ် အဖွဲ့ ၄ ဖွဲ့လောက်နဲ့ လှည့်လည်ဖျော်ဖြေကြမှာဖြစ်ပါတယ်။