TNLA နဲ့ RCSS မန်တုံမြို့နယ်မှာ တိုက်ပွဲဖြစ်
ရှမ်းပြည်နယ် မန်တုံမြို့နယ်ထဲက မန်မိုင်ကျေးရွာနားမှာ ရှမ်းပြည်ပြန်လည် ထူထောင်ရေးကောင်စီ RCSS/SSA နဲ့ တအာင်းအမျိုးသားလွတ်မြောက်ရေး တပ်မတော် TNLA တို့ နိုဝင်ဘာလ ၇ ရက်နေ့က တိုက်ပွဲဖြစ်ပွားခဲ့ပါတယ်။
-
2016-11-08 -
-
-
ရှမ်းပြည်နယ် မန်တုံမြို့နယ်ထဲက မန်မိုင်ကျေးရွာနားမှာ ရှမ်းပြည်ပြန်လည်ထူထောင်ရေးကောင်စီ RCSS/SSA နဲ့ တအာင်းအမျိုးသားလွတ်မြောက်ရေး တပ်မတော် TNLA တို့ နိုဝင်ဘာလ ၇ ရက်နေ့က တိုက်ပွဲဖြစ်ပွားခဲ့ပါတယ်။
မိနစ်နှစ်ဆယ်လောက်ကြာ တိုက်ပွဲဖြစ်ပွားခဲ့ပြီး ထိခိုက်တာတွေတော့ မရှိခဲ့ဘူးလို့ TNLA က ပြန်ကြားရေးတာ ဝန်ခံ ဗိုလ်မှူး မိုင်းအိုက်ကျော် က ပြောပါတယ်။
''ဟုတ်ကဲ့ မနေ့က ဖြစ်တယ်၊ မနေ့က မိနစ်နှစ်ဆယ်လောက်ဖြစ်တယ်၊ ဒီဖြစ်တဲ့နေရာက မန်တုံမြို့နယ် မန်မိုင် ကျေးရွာနားမှာဖြစ်တယ်၊ ဖြစ်တဲ့အကြောင်းအရင်းကတော့ RCSS က ကျွန်တော်တို့ရှိတဲ့ဘက်ကို တက်လာတယ်၊ တက်လာတဲ့အချိန်မှာ မိနစ်နှစ်ဆယ်လောက် တိုက်ပွဲဖြစ်တယ်၊ ပစ်ခတ်မှု ခဏလေးဖြစ် ပြီးတော့မှ သူတို့လည်း ပြန်ဆုတ်သွားကြတယ်''
RCSS နဲ့ TNLA တို့ဟာ ပြီးခဲ့တဲ့နှစ်ကတည်းက တိုက်ပွဲတွေ ဖြစ်ပွားနေခဲ့တာဖြစ်ပါတယ်။
RCSS ကတော့ အစိုးရနဲ့ နိုင်ငံလုံးဆိုင်ရာ ပစ်ခတ်တိုက်ခိုက်မှု သဘောတူညီချက်စာချုပ်မှာ လက်မှတ်ထိုးထားပြီး TNLA ကတော့ လက်မှတ်ထိုးထားခြင်း မရှိသေးပါဘူး။