ဦးပြုံးချို အပါအဝင် ၅ ဦးကို တရားရုံးထုတ်
အဂတိလိုက်စားမှုနဲ့ တရားစွဲဆိုခံထားရတဲ့ ကရင်ပြည်နယ်အစိုးရအဖွဲ့ အတွင်းရေးမှူး ဦးပြုံးချို အပါအဝင် ၅ ဦးကို ရန်ကုန်တိုင်းဒေသကြီး တရားလွှတ်တော်မှာ ဒီနေ့ ရုံးထုတ်ခဲ့ပေမယ့် အမှု စစ်ဆေးခြင်းမရှိခဲ့ဘူးလို့ သိရပါတယ်။
-
2017-09-04 -
-
-
အဂတိလိုက်စားမှုနဲ့ တရားစွဲဆိုခံထားရတဲ့ ကရင်ပြည်နယ်အစိုးရအဖွဲ့ အတွင်းရေးမှူး ဦးပြုံးချို အပါအဝင် ၅ ဦးကို ရန်ကုန်တိုင်းဒေသကြီး တရားလွှတ်တော်မှာ ဒီနေ့ ရုံးထုတ်ခဲ့ပေမယ့် အမှုစစ်ဆေးခြင်းမရှိခဲ့ဘူးလို့ သိရပါတယ်။
တရားလိုဘက်က လာရောက်ခြင်းမရှိတဲ့အတွက် စစ်ဆေးမှု မပြုလုပ်နိုင်ခဲ့တာဖြစ်ပြီး လာမယ့် စက်တင်ဘာလ ၁၁ ရက်နေ့ကို အမှုပြန်လည်ချိန်းဆိုလိုက်ပါတယ်။
ကရင်ပြည်နယ် အစိုးရအဖွဲ့ အတွင်းရေးမှူး ဦးပြုံးချို၊ ပြည်ထဲရေးအရာရှိ ၃ ဦးအပါအဝင် ၆ ဦးကို ရန်ကုန်မှာရှိတဲ့ မြေကွက်တစ်ကွက်နဲ့ ပတ်သက်ပြီး သိန်းထောင်နဲ့ချီ အဂတိလိုက်စားမှုရှိခဲ့တယ်ဆိုပြီး အဂတိလိုက်စားမှုတိုက် ဖျက်ရေးကော်မရှင် ညွှန်ကြားရေးမှူး ဦးစိန်တင် က တရားလိုပြုလုပ်ကာ ဗဟန်းမြို့မရဲစခန်းမှာ အဂတိလိုက်စားမှု တိုက်ဖျက်ရေး ဥပဒေပုဒ်မ ၅၆/၆၃ တို့နဲ့ အမှုဖွင့်ခဲ့တာဖြစ်ပါတယ်။ အဲဒီအမှုမှာပါတဲ့ မော်လိုက်ခရိုင် အထွေထွေ အုပ်ချုပ်ရေး ဦးစီးဌာန ဒုတိယညွန်ကြားရေးမှူး ဦးကျော်ရဲသွေး ကိုတော့ ဝရမ်းပြေးအဖြစ် ကြေညာထားပါတယ်။
အဲဒီကိစ္စဟာ ပြီးခဲ့တဲ့ ၂၀၁၅ ခုနှစ် ဧပြီလလောက်က စတင်ဖြစ်ပွားခဲ့တာဖြစ်တယ်လို့ သိရပါတယ်။