ရေပူနယ်စပ်ဂိတ်မှာ လက်လုပ် မိုင်းပေါက်ကွဲ

"ဘာကြောင့်ဖြစ်လဲဆိုတော့ ဒီရက်ပိုင်းမှာ သစ်ဖမ်းဆီးမှုတွေ ယာဉ်လိုင်းကပစ္စည်းတော်တော်များများ တယ်လီဖုန်း၊ ဟန်းဖုန်းတွေ ဖမ်းမိမှုတွေများတယ်၊ များတယ်ဆိုတော့ သူတို့လည်းမကျေနပ်ဘူးဆိုတဲ့ သတင်းတွေရှိတယ်၊ စခန်းကိုလုပ်ကြံမယ်၊ ဒီမှာတာဝန်ရှိတဲ့သူကို လုပ်ကြံမယ် ဆိုတဲ့သတင်းတွေ လည်းရှိတယ်၊ အဲ့အတိုင်းပဲ သူတို့လာခွဲသွားတယ်ဆိုတော့ တရားမဝင်မှောင်ခိုလုပ်သူတွေက ဖမ်းတာနဲ့ ပတ်သက်ပြီးတော့ မကျေနပ်လို့ ခွဲတယ်လို့ပဲ ယူဆပါတယ်"

မနေ့ညက ၉ နာရီကျော်ဝန်းကျင်မှာ မိုင်းပေါက်ကွဲခဲ့တာဖြစ်ပြီး ထိခိုက်ဒဏ်ရာရတာ ပျက်စီးဆုံးရှုံး တာတွေ မရှိခဲ့ပါဘူး။

ရေပူအမြဲတမ်းစစ်ဆေးရေးစခန်းမှာ ပြီးခဲ့တဲ့ လက တရားမဝင် သစ်နဲ့ လျှပ်စစ်ပစ္စည်း၊ အိမ်သုံးပစ္စည်းတွေကို အများဆုံးဖမ်းဆီးရမိခဲ့ပြီး စုစုပေါင်း တန်ဖိုးကျပ် သိန်းခြောက်သောင်းဖိုးထိ ဖမ်းဆီးရမိခဲ့တယ်လို့ သိရပါတယ်။

ရှမ်းပြည်မြောက်ပိုင်း ကျောက်မဲမြို့နယ် အမှတ် ၂ ရပ်ကွက်မှာရှိတဲ့ စတိုးဆိုင်တစ်ဆိုင်မှာ မနေ့ည ၇ နာရီခွဲ က စက္ကူဖာတစ်လုံးထဲမှာ လက်ပစ်ဗုံး ထည့်ထားတဲ့ ပါဆယ်ရောက်ရှိခဲ့ပါတယ်။

ပေါက်ကွဲမှု မဖြစ်တဲ့ အတွက် လူထိခိုက်ဒဏ်ရာရတာတော့ မရှိခဲ့ပါဘူး။

စတိုးဆိုင်ကို ဆိုင်ကယ်နဲ့ ပါဆယ်လာပို့သူကိုတော့ စုံစမ်းနေတယ်လို့ ကျောက်မဲမြို့မရဲစခန်းက စခန်းမှူး ဒုရဲမှူး ဟန်ဝင်းလှိုင် ကပြောပါတယ်။