KIO ထိန်းချုပ်နယ်မြေက တက္ကသိုလ်ဝင်တန်းစာမေးပွဲ အောင်စာရင်းထုတ်ပြန်

• RFA Burmese
  2023-05-06

ကချင်လွတ်မြောက်ရေးအဖွဲ့ (KIO) ထိန်းချုပ်နယ်မြေတွေမှာ ကျင်းပခဲ့တဲ့ ၂၀၂၂-၂၀၂၃ ပညာသင်နှစ် တက္ကသိုလ်ဝင်တန်းစာမေးပွဲ အောင်စာရင်းကို မေလ ၆ ရက်ဒီနေ့မှာ ထုတ်ပြန်ခဲ့ပြီး အောင်ချက် ၅၂ ဒသမ ၄၅ ရာခိုင်နှုန်းရှိတယ်လို့ KIO ပညာရေးဌာန စာရင်းတွေအရ သိရပါတယ်။

အခုနှစ်ပညာသင်နှစ်အတွက် ကျောင်းသူကျောင်းသားပေါင်း ၂၇၃၅ ဦးဖြေဆိုခဲ့ပြီး အောင်မြင်သူ ၁၄၃၇ ဦး ရှိတယ်လို့ အဲဒီစာရင်းတွေမှာ ဖော်ပြထားပါတယ်။

KIO ထိန်းချုပ်နယ်မြေတွေမှာ တက္ကသိုလ်ဝင်တန်းစာမေးပွဲကို ၂၀၂၃ ခုနှစ်၊ မတ်လ ၈ ရက်နေ့ကနေ ၁၅ ရက်နေ့အထိ ကျင်းပခဲ့တာဖြစ်ပါတယ်။

KIO ကျောင်းတွေမှာ ပညာသင်ကြားခဲ့ကြတဲ့ ကျောင်းသား၊ ကျောင်းသူတွေဟာ မြန်မာကျောင်းမှာဖြေဆိုရတဲ့ ဘာသာရပ်အားလုံးအပြင် ကချင်ဘာသာရပ်ကိုပါ ဖြေဆိုရတာပါ။

၂၀၂၁-၂၀၂၂ ပညာသင်နှစ်ကတော့ ဖြေဆိုသူ ၂၁၈၈ ဦးရှိခဲ့တဲ့အနက် အောင်မြင်ခဲ့သူ ၁၆၀၈ ရှိခဲ့ပြီး အောင်ချက် ၇၀ ရာခိုင်နှုန်းရှိခဲ့ပါတယ်။