ប័ណ្ណសារព័ត៌មាន

រឿង​រ៉ាវ​សំខាន់ៗ​ក្នុង​ថ្ងៃ​ទី០៧ ខែ​ឧសភា ឆ្នាំ២០២៥

លោក ហ៊ុន សែន លើកឡើងថា លោកត្រូវតែការពារប្រវត្តិសាស្ដ្រពិត ដែលវៀតណាមមិនមានបំណងលេបត្របាក់យកម្ពុជាឡើយ ហើយលោកចាត់ទុកថា អ្នកប្រឆាំងជំទាស់នឹងរឿងនេះ ជាក្រុមឧទ្ទាម។

មន្ត្រីសង្គមស៊ីវិលលើកឡើងថា ការបញ្ជាទិញទំនិញពីវិស័យកាត់ដេរនៅកម្ពុជានឹងធ្លាក់ចុះ ប្រសិនបើរដ្ឋាភិបាលកម្ពុជាមិនទទួលបានលទ្ធផលល្អពីការចរចារឿងពន្ធជាមួយសហរដ្ឋអាមេរិក។

រឿង​រ៉ាវ​សំខាន់ៗ​ក្នុង​ថ្ងៃ​ទី០៦ខែ​ឧសភា ឆ្នាំ២០២៥

មន្ត្រីបក្សប្រឆាំងបានព្រួយបារម្ភថា ការដកកងទ័ពកម្ពុជាចេញពីប្រាសាទតាមាន់ធំ នឹងធ្វើឱ្យកម្ពុជាចាញ់ប្រៀបទាហានថៃ ហើយអាចផ្ដល់ឱកាសឱ្យទាហានថៃចូលប្រាសាទតាមាន់ធំខាងមុខ។

ទីប្រឹក្សាគណបក្សកម្លាំងជាតិលោក រ៉ុង ឈុន ចាត់ទុកថាជារឿងអយុត្តិធម៌សម្រាប់លោក ដែលសាលាដំបូងរាជធានីភ្នំពេញនៅថ្ងៃទី០៥ខែឧសភានេះ។

សាលាដំបូងរាជធានីភ្នំពេញនៅថ្ងៃទី០៥ឧសភា បានប្រកាសសាលក្រមផ្ដន្ទាទោសឱ្យលោក រ៉ុង ឈុន ជាប់ពន្ធនាគាររយៈពេល៤ឆ្នាំ ពិន័យជាប្រាក់៤លានរៀល និងដកហូតសិទ្ធិធ្វើនយោបាយមួយជីវិត។

ក្រុមហ៊ុន ហួយវ័ន គ្រុប (Huione Group) នៅក្នុងប្រទេសកម្ពុជា និងជាក្រុមហ៊ុនមេនៃក្រុមហ៊ុន ហួយវ័ន ផេ (Huione Pay) របស់លោក ហ៊ុន តូ ជាបណ្ដាញលាងលុយកខ្វក់។

មន្ត្រីជាន់ខ្ពស់កម្ពុជា នឹងធ្វើដំណើរផ្ទាល់ទៅរដ្ឋធានីវ៉ាស៊ីនតោន ដើម្បីជួបចរចាជាមួយតំណាងសហរដ្ឋអាមេរិកនៅថ្ងៃទី១៤ដល់ថ្ងៃទី១៥ឧសភា រឿងពន្ធ៤៩%។

ក្រុមអ្នកប្រជាធិបតេយ្យបានជួបសហភាពអឺរ៉ុបសុំឱ្យដាក់សម្ពាធលើរដ្ឋាភិបាលដើម្បីស្ដារប្រជាធិបតេយ្យឡើងវិញ។