རྒྱ་གར་གཟའ་སྐར་མིག་དམར་ཐོག་བསྐྱོད་རྒྱུ་ཡིན་འདུག།

• 
  2012-08-15

ལས་འཆར་དེ་ནི་རྒྱ་གར་རྒྱལ་ཁབ་ཀྱི་ཕུགས་རྒྱང་རིང་པོའི་དམིགས་ཡུལ་ལྡན་པའི་ལས་འཆར་ཞིག་ཡིན་པ་དང༌། ལོ་གསུམ་གོང་རྒྱ་གར་གྱིས་ཟླ་བའི་ནང་འཕྲུལ་འཁོར་ཞིག་བཏང་གནང་ཡོད་པ་དང༌། ༢༠༡༦ལོར་མིས་ཁ་ལོ་བསྒྱུར་བའི་འཕུར་འཁོར་ཞིག་ཟླ་བའི་ནང་ཐེངས་དང་པོ་གཏོང་གནང་རྒྱུའི་འཆར་གཞི་ཡང་ཡོད་པ་རེད།

སྲིད་བློན་ སིངྒ་མཆོག་གིས་ རྒྱ་གར་རང་བཙན་ཉིན་མོའི་གསུང་བཤད་གནང་སྐབས་གསུང་དོན། ང་ཚོའི་མཁའ་དབྱིངས་འཕུར་འཁོར་གྱིས་གཟའ་སྐར་མིག་དམར་ཉེ་འཁྲིས་སུ་ཕྱིན་ནས་ཚན་རིག་ལ་མཁོ་བའི་ཞིབ་འཇུག་བྱ་རྒྱུ་ཡིན་། ལས་འཆར་དེ་ནི་ཚན་རིག་དང་འཕྲུལ་རིག་གྱི་གཞི་ཡུལ་ནང་གོམ་སྟབས་ཆེན་པོ་སྤོས་པ་ཞིག་རེད་ཅེས་འགྲེལ་བརྗོད་གནང་འདུག།

རྒྱ་གར་མཁའ་དབྱིངས་ཞིབ་འཇུག་སྒྲིག་འཛུགས་ཀྱིས་ལོ་རྗེས་མའི་ཕྱི་ཟླ་༡༡པའི་ནང་མི་མེད་པའི་འཕུར་འཁོར་དེ་བཞིན་རྒྱུ་སྐར་མིག་དམར་ཐོག་གཏོང་གནང་རྩིས་ཡོད་པའི་གནས་ཚུལ་དེ་ཟླ་བ་འདིའི་ཚེས་ཤར་ནང་PTI གསར་ལས་ཁང་གིས་སྤེལ་གནང་ཡོད་པ་རེད།  གོང་ཞུས་སྒྲིག་འཛུགས་ཁང་དེའི་དཔོན་རིགས་ཤིག་གིས་གསུང་ན། རྒྱུ་སྐར་མིག་དམར་ཐོག་ཞིབ་འཇུག་གནང་རྒྱུའི་ལས་འཆར་དེར་འགྲོ་གྲོན་ཨ་སྒོར་ས་ཡ་༧༠ནས་༩༠བར་གནས་རྒྱུ་ཡིན་པ་རེད།

ཨ་མི་རི་ཀ་དང༌། ཨུ་རུ་སུ། ཡུ་རོཔ། ཉི་ཧོང༌། རྒྱ་ནག་བཅས་ནས་རྒྱུ་སྐར་མིག་དམར་ཐོག་ཞིབ་འཇུག་གི་འཕུར་འཁོར་བཏང་ཟིན་པ་ལྟར། བདུན་སྔོན་མ་

ཨ་མི་རི་ཀས་རྒྱུ་སྐར་མིག་དམར་རམ། མིང་གཞན་ལ་གཟའ་སྐར་དམར་པོ་ཞེས་འབོད་སྲོལ་ཡོད་པ་དེའི་ཐོག་ཞིབ་འཇུག་འཕུར་འཁོར་Curiosity ཞེས་པ་གློད་གཏོང་གནང་ཡོད།