རྒྱ་ནག་གཞུང་གིས་བཟའ་ཆའི་རིན་གོང་འཕར་བར་འགོག་ཐབས།

༄༅༎རྒྱ་ནག་གཞུང་གིས་བཟའ་ཆས་རིན་གོང་ཇེ་ཆེར་འགྲོ་བཞིན་པ་གཅོག་ཐབས་ཆེད་དངུལ་ཁང་ཁག་གི་དཀར་འཇུག་གི་ཚད་གཞི་མཐོ་རུ་གཏོང་དགོས་པའི་བཀའ་རྒྱ་བཏང་འདུག།

གཟའ་པ་སངས་ཉིན་རྒྱ་ནག་གཞུང་དབུས་དངུལ་ཁང་གིས་རྒྱ་ནག་གི་དངུལ་ཁང་ཁག་གི་དཀར་འཇུག་གི་ཚད་གཞི་བརྒྱ་ཆ་ཀླད་ཀོར་ཚགས་ལྔས་མང་དུ་གཏོང་དགོས་པ་བརྗོད་ཡོད་པ་དང་ རྒྱ་ནག་གཞུང་གིས་དངུལ་ཁང་གི་དཀར་འཇུག་གི་ཚད་གཞི་མང་དུ་བཏང་ཚེ་དངུལ་བུན་གཏོང་གཡར་གྱི་ཚད་གཞི་དམའ་རུ་འགྲོ་རྒྱུ་དེས་འགྲོ་གྲོན་གཏོང་སོང་ཉུང་དུ་འགྲོ་རྒྱུར་རེ་བ་བྱེད་བཞིན་ཡོད་པ་རེད།

སྔ་ལོ་ནས་བཟུང་རྒྱ་ནག་ནང་གི་ཟས་སོང་གི་རིན་གོང་མགྱོགས་ཚད་མྱུར་པོའི་ཐོག་ནས་འཕར་བ་དེ་འགོག་ཐབས་ཆེད་དངུལ་ཁང་གི་དཀར་འཇུག་ཚད་གཞི་ཐེངས་མ་ཁ་ཤས་མཐོ་རུ་བཏང་ཡོད་ལ་འདི་ལོ་གཅིག་པུའི་ནང་ཐེངས་མ་གཉིས་ཙམ་དཀར་འཇུག་གི་ཚད་གཞི་མཐོ་རུ་བཏང་ཡོད་པ་རེད།།