༸གོང་ས་༸སྐྱབས་མགོན་ཆེན་པོ་མཆོག་ཨ་རིར་ཆིབས་བསྒྱུར།

• 
  2010-05-10

༄༅༎ཕྱི་ཟླ་ལྔ་པའི་ཚེས་༩ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་ནས་ཨ་རིར་ཆིབས་སྒྱུར་བཀྲིན་སྐྱོང་སྐབས་དད་ལྡན་སེར་སྐྱ་མང་ཚོགས་རྣམས་ནས་ལག་ཏུ་སྤོས་སྣེ་དང་ མཇལ་དར་ཐོགས་ཏེ་ལམ་ཟུར་གཡས་གཡོན་ནས་ཕེབས་སྐྱེལ་ཞུས་ཡོད་པ་དང་  ཨ་རིའི་མངའ་སྡེ་ཨིན་གྲི་ཡ་ན་གྱི་གྲོང་ཁྱེར་སྦུ་ལུང་མིང་ཀྲོན་ནང་རྟེན་གཞི་བྱས་པའི་བོད་སོག་ནང་པའི་རིག་གཞུང་གཅེས་སྐྱོང་བསྟི་གནང་ཁང་སྐུ་འབུམ་བྱམས་བརྩེ་གླིང་ནས་༸གོང་ས་༸སྐྱབས་མགོན་ཆེན་པོ་མཆོག་ལ་ཆོས་འབྲེལ་སླད་གདན་ཞུའི་གསོལ་འདེབས་ཞུས་པ་བཞིན་ བཀའ་བཞེས་བཟང་པོ་ཐོབ་ཏེ་ས་གནས་དེའི་ནང་ཆིབས་སྒྱུར་བསྐྱངས་ཡོད་པ་དང་ ༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ཚེས་༡༢གཟའ་ལྷག་པ་དང་ཕྱི་ཚེས་༡༣གཟའ་ཕུར་བུ་བཅས་བཞུགས་བཞག་གཉིས་རིང་ཨིན་ཌི་ཡ་ན་པོ་ལི་སི་ཡིའི་ཁོན་སེ་ཁོ་ཕིལ་ཌི་ཞེས་པའི་ནང་མང་ཚོགས་ལ་བཀའ་སློབ་བསྩལ་རྒྱུའི་མཛད་འཆར་ཡོད་པ་དང་ མང་ཚོགས་ལ་བཀའ་སློབ་གནང་བའི་སྐབས་འཛམ་གླིང་ས་ཕྱོགས་གང་ས་ནས་མང་ཚོགས་བཀའ་སློབ་གསན་པར་ཕེབས་ཀྱི་ཡོད་འདུག

༸གོང་ས་༸སྐྱབས་མགོན་ཆེན་པོ་མཆོག་ད་རེ་ཨ་རིའི་ཨིན་ཌི་ཡ་ནའི་མངའ་སྡེའི་སྦུ་ལུང་མིང་ཊོན་ནང་ཆིབས་སྒྱར་གནང་ཐེངས་དྲུག་པ་ཡིན་པ་དང་ སྐུ་ཉིད་ཟླ་བ་འདིའི་ཨ་རིའི་ནང་གི་ཆིབས་སྒྱུར་མཛད་འཆར་ཁག་ནང་ ཨ་རིའི་ས་ཁུལ་མེ་ཌི་སེན་ལྦི་སི་ཀོན་སིན་ སི་ཌར་ཕོལ་སི་ ནིའུ་ཡོག་སོགས་ནང་ཆིབས་སྒྱུར་བསྐྱངས་ཏེ་ ས་གནས་དེ་ཚོའི་ནང་མང་ཚོགས་ལ་བཀའ་སློབ་དང་གསུང་ཆོས་དེ་བཞིན་སྲིད་དོན་དང་ཚན་རིགས་མཁས་པ་སོགས་མི་སྣ་འདྲ་མིན་དང་མཇལ་འཕྲད་དང་བཀའ་བསྡུར་གནང་རྒྱུའི་མཛད་འཆར་ཡོད་གནང་འདུག