བྲག་དཀར་རྫོང་དུ་སློབ་ཕྲུག་བཙན་ཁྲིད་བྱེད་མཁན་འཛིན་བཟུང༌།

• 
  2012-09-15

༄༅༎མཚོ་ལྷོ་ཁུལ་བྲག་དཀར་རྫོང་གི་སློབ་ཕྲུག་བཙན་ཁྲིད་བྱེད་མཁན་ས་གནས་ཉེན་རྟོག་པས་འཇུ་བཟུང་བྱས་ཡོད་འདུག
ཟླ་བ་འདིའི་ཕྱི་ཚེས་༡༠ ཉིན་མཚོ་སྔོན་ཞིང་ཆེན་མཚོ་ལྷོ་ཁུལ་བྲག་དཀར་རྫོང་འབྲོང་ཐུ་ཞང་  དམེ་གླིང་སྡེ་བའི་སློབ་མ་གསུམ་ཇག་པས་བཙན་ཁྲིད་བྱས་ཡོད་པ་དང་། ཕྱི་ཚེས་༡༢ ཉིན་བཙན་ཁྲིད་པས་སློབ་མ་ཚོའི་ནང་དུ་ཁ་པར་གཏོང་བཅུག་ནས་སློབ་མ་རེར་རྒྱ་སྒོར་ཁྲི་ ༢༠ རེ་སྤྲོད་དགོས་ཚུལ་དང་། དེ་ལྟར་མ་བྱས་ཚེ་སློབ་མ་རྣམས་དམར་གསོད་གཏང་རྒྱུ་ཡིན་པའི་འཇིགས་སྐུལ་བྱས་ཡོད་འདུག
ཕྱི་ཚེས་ ༡༤ དགུང་མོར་ཉེན་རྟོག་པས་བྲག་དཀར་རྫོང་དང་ཆབ་ཆ་གཉིས་ཀྱི་ལམ་བར་ནས་ བཙན་ཁྲིད་བྱེད་མཁན་གཉིས་འཇུ་བཟུང་བྱས་ཡོད་པ་དང༌། བཙན་ཁྲིད་བྱེད་མཁན་ནི་ལོ་སུམ་ཅུ་སོ་གྲངས་ནང་ཡོད་པའི་བོད་མི་བཟའ་ཚང་གཉིས་ཡིན་འདུག།