ཡོ་རོབ་མཉམ་འབྲེལ་སྒྲིག་འཛུགས་བཙུགས་ནས་དམག་འཁྲུག་བྱུང་མེད་པ།
༸གོང་ས་མཆོག་ནས་ཨི་ཊ་ལིའི་གྲོང་ཁྱེར་སི་སི་ལི་ནང་ཡུ་རོབ་མཉམ་འབྲེལ་སྒྲིག་འཛུགས་བཙུགས་ནས་བཟུང་ནུབ་ཡུ་རོབ་ཚོགས་མི་རྒྱལ་ཁབ་ཚང་མ་ཞི་བདེའི་ངང་གནས་ཐུབ་པར་བསྔས་བརྗོད་གནང་བ།
-
2017-09-17 -
-
-
Your browser doesn’t support HTML5 audio
༄༅༎བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨི་ཊ་ལིའི་གྲོང་ཁྱེར་སི་སི་ལི་ནང་མང་ཚོགས་ལ་བཀའ་སློབ་གནང་བའི་ནང་ ཡོ་རོབ་མཉམ་འབྲེལ་སྒྲིག་འཛུགས་གསར་འཛུགས་བྱས་པ་ནས་བཟུང་ནུབ་ཡོ་རོབ་ཁུལ་དམག་འཁྲུག་མ་བྱུང་བར་ཚོགས་མི་རྒྱལ་ཁབ་ཚང་མ་ཞི་བདེའི་ངང་གནས་ཐུབ་པར་༧གོང་ས་མཆོག་གིས་བསྔགས་བརྗོད་གནང་བཞག
དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་ སྟོབས་དང་ནུས་ཤུགས་ཀྱི་འཛམ་གླིང་ནང་ཞི་བདེ་བསྐྲུན་ཐུབ་ཐབས་མེད་པ་དང་། ཞི་བདེ་ནི་ནང་སེམས་ནས་ཡོང་དགོས་པ་དང་། འཚེ་བའི་ལས་ཀྱིས་ཁོང་ཁྲོ་སློང་ནས་འཚེ་བའི་ལས་མང་དུ་འགྲོ་བས་ ཁོང་ཁྲོ་དང་ཞེད་སྣང་སོགས་ཉུང་དུ་བཏང་ཐབས་བྱས་ནས་མཛའ་གྲོགས་གོང་འཕེལ་གཏོང་དགོས་སྐོར་བཀའ་གནང་བཞག
ཁ་ས་ Taormina གྲོང་ཁྱེར་གྱིས་༸གོང་ས་༸སྐྱབས་མགོན་ཆེན་པོ་མཆོག་ལ་གྲོང་ཁྱེར་དེའི་མི་སེར་གྱི་མཚན་བསྟོད་གཟེངས་རྟགས་ཡང་ཕུལ་འདུག་ཅིང་དེ་རིང་ཕྱི་ཚེས་ ༡༧ ཉིན་ Messina གྲོང་ཁྱེར་ནང་གི་ལོ་རྒྱུས་རང་བཞིན་ལྡན་པའི་ Vittorio Emanuele ཞེས་པའི་ཚོགས་ཁང་དེའི་ནང་གྲོང་ཁྱེར་ལས་ཁུངས་ཀྱི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་ལ་ཞི་བདེ་དང་དྲང་བདེན། འཚེ་མེད་ཞི་བའི་དེད་དཔོན་གྱི་མཚན་བསྟོད་བྱ་དགའ་འབུལ་འདུག་ལ། དེ་རྗེས་༸གོང་ས་༸སྐྱབས་མགོན་ཆེན་པོ་མཆོག་ནས་ཕན་ཚུན་ལྟོས་གྲུབ་དང་བྱམས་བརྩེའི་སྤྱོད་བཟང་གི་སྒོ་ནས་མང་ཚོགས་ལ་བཀའ་སློབ་གསུང་བཤད་སྩོལ་གནང་ཡོད་པ་རེད།།