རོང་རྒྱལ་ཨ་གྲགས་ལགས་སྡུག་སྦྱོང་མྱོང་བཞིན་པ།

• 
  2012-08-03

༄༅།    །རོང་རྒྱལ་ཨ་གྲགས་ལགས་ཀྱིས་༢༠༠༧    ལོར་ལི་ཐང་རྟ་རྒྱུགས་ཀྱི་དུས་སྟོན་འདུ་འཛོམས་ཐོག    བོད་དོན་སྐད་འབོད་གནང་བར་བརྟེན།    རྒྱ་ནག་ཁྲིམས་ཁང་ནས་ཁོང་ལ་རྒྱལ་ཁབ་ཁ་བྲལ་དང་།     སྤྱི་ཚོགས་བརྟན་ལྷིང་ལ་གནོད་ཚབས་བཟོས་པའི་ཉེས་བཙུགས་ཐོག་ནས་ལོ་ངོ་བརྒྱད་བཙོན་འཇུག་ལོ་ཚད་བཟོས་ཏེ། ད་ལྟ་Miyang བཙོན་ཁང་དུ་བཙོན་འཇུག་བྱེད་མུས་ཡིན་པ་རེད།  ཁོང་གི་སྤུན་མཆེད་སྤྱི་འཐུས་ཨ་ཀྲུག་ཚེ་བརྟན་ལགས་ཀྱིས་ཕ་ཡུལ་དྲ་གནས་ལ་འགྲེལ་བརྗོད་གནང་བ་ལྟར་ན།    བཙོན་ཁང་ནང་ཁོང་ལ་བཙོན་སྲུང་བ་ཚོས་རྒྱུན་དུ་ནས་དུས་ཚོད་ངེས་མེད་ཀྱིས་ཉེས་རྡུང་མནར་གཅོད་བཏང་ནས་ སྙན་ཅོག་གོ་རྒྱུ་མེད་པ་བཟོས་ཡོད་པའི་ཁར།  མིག་ཡང་གསལ་པོ་མི་མཐོང་མཁན་ཆགས་ཡོད་པ་རེད་འདུག    དེས་མ་ཚད་ཉེས་རྡུང་བཏང་ནས་རྐང་པར་ཡང་རྒྱུན་དུ་ནས་ན་ཟུག་གཏོང་གི་ཡོད་པའི་ཡ་ངའི་གནས་སྟངས་འོག་ལྷག་ཡོད་པ་རེད་འདུག