རྒྱ་གར་དུ་ངལ་རྩོལ་བའི་གྲངས་འབོར་མང་དུ་ཕྱིན་པ།

• 
  2010-07-28

༄༅༎རྒྱ་གར་ནང་མ་འོངས་ལོ་ངོ་བཅུའི་ནང་ངལ་རྩོལ་བྱེད་མཁན་གྱི་གྲངས་འབོར་ཇེ་མང་དུ་འགྲོ་རྒྱུ་དང་ཕྱི་ལོ་ཉིས་སྟོང་ཉི་ཤུ་ལོར་ངལ་རྩོལ་བྱེད་མཁན་གྱི་གྲངས་འབོར་ས་ཡ་༡༡༠འཕར་སྣོན་ཡོང་རྒྱུ་ཡིན་པ་གནད་དོན་ཉམས་ཞིབ་གནང་མཁན་གྱིས་གསུང་གི་ཡོད་པ་Goldman Sachsཞེས་པས་ཉམས་ཞིབ་ཚན་པས་དེ་རིང་གཟའ་ལྷག་པའི་ཉིན་སྙན་ཐོ་འདོན་སྤེལ་བྱས་ཡོད་པ་རེད་

སྙན་ཐོ་དེ་བཞིན་འཛམ་གླིང་མཉམ་འབྲེལ་རྒྱལ་ཚོགས་ངལ་རྩོལ་ལྷན་ཁང་གིས་བཏོན་པའི་མ་འོངས་ལོ་ངོ་བཅུའི་ནང་འཛམ་གླིང་ཡུལ་ཁག་ནང་ ངལ་རྩོལ་རྒྱུགས་མཁན་ལས་མིའི་དགོས་མཁོ་ཇི་འཕར་འགྲོ་རྒྱུའི་ལས་དོན་སྙན་ཐོ་གཞིར་བཟུང་བཏོན་པ་ཞིག་ཡིན་པ་དང་ སྙན་ཐོ་དེའི་ནང་ ངལ་རྩོལ་བྱེད་མཁན་གྱི་གྲངས་འབོར་ལོ་རེ་བཞིན་མང་དུ་འགྲོ་བཞིན་པ་དེ་དག་ལ་ལས་ཀ་འཐོབ་ཕྱིར་ངལ་རྩོལ་གྱི་ཁྲིམས་ལུགས་ལ་བསྒྱུར་བཅོས་གཏོང་རྒྱུ་དང་འབྲེལ་ ཡུལ་དེའི་ནང་མ་རྩ་འཕོན་ཆེ་བཙུགས་ནས་སློབ་གསོའི་བྱ་གཞག་དང་ སྦྱོང་བརྡར་གྱི་ལས་གཞི་ཁག་སྤེལ་རྒྱུ་དེ་གལ་འགངས་ཆེན་པོ་ཡིན་པ་་བཀོད་ཡོད་པ་དང་ སྙན་ཐོ་དེའི་ནང་ད་ལྟ་ནས་ཕྱི་ལོ་ཉིས་སྟོང་སུམ་ཅུ་བར་ རྒྱ་གར་གྱི་ནང་ངལ་རྩོལ་བྱེད་མཁན་གྱི་གྲངས་འབོར་ས་ཡ་༢༡༠བར་འཕེལ་རྒྱུ་ཡིན་པ་བཀོད་འདུག

རྒྱ་གར་ནང་ངལ་རྩོལ་བྱེད་མཁན་གྱི་གྲངས་འབོར་ཇེ་མང་དུ་འགྲོ་ཡི་ཡོད་པ་ནི་ གཙོ་བོ་ངལ་རྩོལ་བའི་ལོ་ཚད་མཐོ་རུ་ཕྱིན་པ་དང་ དེ་བཞིན་བེུད་མང་པོ་ཞིག་ངལ་རྩོལ་བྱེད་མཁན་གྱི་ཁོངས་སུ་ཞུགས་ཀྱི་ཡོད་པ་སོགས་ཀྱིས་ངལ་རྩོལ་བའི་གྲངས་འབོར་མང་དུ་འགྲོ་གི་ཡོད་པ་སྙན་ཐོ་དེའི་ནང་བཀོད་འདུག