ရေကစားမဏ္ဏပ်တွေ ဗုံးရှာ ကိရိယာတပ်ရမည်

• 
  2011-03-19

ဒီနှစ်အတွက် ရေကစားမဏ္ဍပ်တွေကို အရေအတွက်နဲ့ ကန့်သတ်ခွင့်ပြုမှာ ဖြစ်ပြီး နာမည်ကြီး အနုပညာရှင် အတော်များများ ပျဉ်းမနားနေပြည်တော်က ရေကစားမဏ္ဍပ်တွေမှာ လာရောက် ဖျော်ဖြေကြဖို့ ညွန်ကြားချက်တွေကိုလည်း အဲဒီအစည်းအဝေးက ထုတ်ပြန်ခဲ့တယ်လို့ သိရပါတယ်။

ပြီးခဲ့တဲ့နှစ် သြင်္ကန်အတက်နေ့က ကန်တော်ကြီးမှာ ရှိတဲ့ ‘အိတ်ချ်တူးအို’ ရေကစားမဏ္ဍပ်မှာ ဗုံးကွဲခဲ့ပြီး လူ ၁ဝ ဦး သေဆုံးခဲ့တဲ့အတွက် အခုနှစ်မှာ လုံခြုံရေးကို တင်းတင်းကြပ်ကြပ် ဆောင်ရွက်တာလို့ အဲဒီ ညွန်ကြားချက်မှာ ဖော်ပြထားပါတယ်။

အခုနှစ် သြင်္ကန်အတွက် ရေကစားမဏ္ဍပ် ဆောက်လုပ်ခွင့်တွေကို သက်ဆိုင်ရာက ဧပြီလဆန်းက စခွင့်ပြုမှာ ဖြစ်ပြီး ဆောက်လုပ်ခွင့်ပါမစ် တခုကို သိန်း၂ဝ ကျော်နဲ့ ချပေးမယ်လို့ ရန်ကုန် မြို့တော်စည်ပင်နဲ့ နီးစပ်တဲ့ သတင်းရပ်ကွက်ကတဆင့် စုံစမ်းသိရပါတယ်။