ဒေါ်အောင်ဆန်းစုကြည် ဆွီဒင် ဝန်ကြီးချုပ်နဲ့ တွေ့ဆုံ

ဒေါ်အောင်ဆန်းစုကြည်ဟာ ဆွီဒင်နိုင်ငံမှာ နှစ်ရက်ကြာလည်ပတ်မှာဖြစ်ပြီး မနက်ဖြန်မှာ ဆွီဒင်လွှတ်တော်ဥက္ကဋ္ဌရဲ့ ဖိတ်ကြားချက်အရ ဆွီဒင်လွှတ်တော်မှာ မိန့်ခွန်းပြောကြားဖို့ ရှိတယ်လို့လည်း ဆွီဒင်အစိုးရ သတင်းထုတ်ပြန်ချက်မှာ ဖော်ပြထားပါတယ်။

ဒေါ်အောင်ဆန်းစုကြည်နဲ့ မြန်မာချစ်ကြည်ရေးကိုယ်စားလှယ်အဖွဲ့ဟာ  ဒေသစံတော်ချိန် မနေ့ညနေ ၇ နာရီ ခွဲလောက်က ကနေဒါနိုင်ငံကနေ ဆွီဒင်နိုင်ငံကို  ခရီးဆက်ခဲ့တာဖြစ်ပြီး၊ ဒီကနေ့နေ့လယ် ၈ နာရီမှာ ပြင်သစ်နိုင် ငံလေဆိပ်ကို  ရောက်ရှိပြီး၊ မွန်းလွဲ ၁ နာရီလောက်မှာ စတော့ဟုမ်းမြို့ကို  ရောက်ရှိခဲ့တယ်လို့  နိုင်ငံတော် အတိုင်ပင်ခံပုဂ္ဂိုလ်ရုံးက သတင်းထုတ်ပြန်ပါတယ်။

ဒေါ်အောင်ဆန်းစုကြည်ကို ဆွီဒင်နိုင်ငံဆိုင်ရာ မြန်မာသံအမတ်ကြီး ဦးကျော်စွာမင်းနဲ့ သံရုံးဝန်ထမ်းတွေ၊ ဆွီဒင်နိုင်ငံရောက် မြန်မာနိုင်ငံသားတွေက လေဆိပ်မှာ ကြိုဆိုခဲ့ကြတယ်လို့ သိရပါတယ်။