အပြည်ပြည်ဆိုင်ရာ တရားရုံးအထိတိုင်မယ်လို့ ဦးဥတ္တရမိန့်ကြား
လန်ဒန်မြို့ သာသနာ့ရံသီ ကျောင်းတိုက် ဆရာတော် ဦးဥတ္တရ က သံဃာ့မဟာ နာယက ဥက္ကဌ နဲ့ အတွင်းရေးမှူးဆရာတော်တွေအပါအဝင် သံဃာအပါး၂၀ ကို ဗဟန်းမြို့နယ် နဲ့ တာမွေမြို့နယ် တရားရုံးတွေမှာ တရားစွဲဆိုဖို့ကြိုးစားခဲ့ရာမှာ အဲ့ဒီမြို့နယ် တရားရုံးတွေက လက်မခံတဲ့အတွက် အထက်အဆင့် တရားရုံးတွေကို ဆက်လက်တင်ပြသွားမှာဖြစ်ပြီး နောက် ဆုံးအနေနဲ့ အပြည်ပြည်ဆိုင်ရာ တရားရုံးအထိတိုင်ကြား မယ်လို့ RFA ကို မနေ့က မိန့်ကြားလိုက်ပါတယ်။
-
2014-08-02 -
-
-
Your browser doesn’t support HTML5 audio
လန်ဒန်မြို့ သာသနာ့ရံသီ ကျောင်းတိုက်ဆရာတော် ဦးဥတ္တရ က သံဃာ့မဟာနာယက ဥက္ကဌ နဲ့အတွင်းရေး မှူး ဆရာတော်တွေအပါအဝင် သံဃာအပါး၂၀ကို ဗဟန်း မြို့နယ်နဲ့ တာမွေမြို့နယ် တရားရုံးတွေမှာ တရားစွဲဆို ဖို့ကြိုးစားခဲ့ရာမှာ အဲ့ဒီမြို့နယ်တရားရုံးတွေ က လက်မခံ တဲ့အတွက် အထက်အဆင့် တရားရုံးတွေကို ဆက်လက် တင်ပြသွားမှာဖြစ် ပြီး နောက်ဆုံးအနေနဲ့ အပြည်ပြည်ဆိုင် ရာ တရားရုံးအထိတိုင်ကြားမယ်လို့ RFA ကို မနေ့က မိန့် ကြားလိုက်ပါတယ်။
ဆရာတော်ဦးဥတ္တရနဲ့ တခြား ရဟန်း ၄ ပါးကို ဇွန်လ ၁၀ ရက်နေ့က အာဏာပိုင်တွေ မဟာသန္တိသုခ ကျောင်းတိုက် က ဖမ်းဆီးခေါ်ဆောင်သွားကာ လူဝတ်လဲစေပြီး အင်းစိန်ထောင်မှာ ရက်အနည်းငယ်ကြာ ဖမ်းဆီးထားခဲ့ပါတယ်။
ဒီကိစ္စနဲ့ပတ်သက်ပြီး ဆရာတော်ဦးဥတ္တရက ဗဟန်းမြို့နယ် တရားရုံးမှာ ဇူလိုင်လ ၁၆ ရက်နေ့က တရားရုံး အမိန့်စာမပါပဲ ဖမ်းဆီးချုပ်နှောင်မှှု၊ မတရားတားဆီးမှှု စတဲ့အမှုတွေနဲ့ သံဃာ့နာယက ဆရာတော် အပါး၂၀ ကို တရားစွဲဖို့ သွားရောက်လျှောက်ထားခဲ့ရာမှာ ပယ်ချခံခဲ့ရသလို သြဂုတ်လ ၁ ရက်နေ့က တာမွေမြို့နယ် တရားရုံး မှာ ဆက်ပြီးတရားစွဲဆိုရာမှာလည်း တရားရုံးက ပယ်ချလိုက်ပါတယ်။ ဒီကိစ္စနဲ့ ပတ်သက်ပြီးဆရာတော် ဦးဥတ္တရက ခုလိုမိန့်ပါတယ်။
"ဘုန်းကြီးတို့ကတော့ ဒီ မြန်မာနိုင်ငံတွင်းမှာဖြစ်တဲ့ အခုဖြစ်နေတဲ့ပြဿနာဆိုတော့ ပြောရမယ် ဆိုရင် မြန်မာနိုင်ငံတွင်းမှာပဲ တက်နိုင်သလောက် တရားဥပဒေဘောင်အတွင်းမှာပဲ ဘုန်းကြီးတို့ ရှင်းရမှာပေါ့နော်၊ တကယ်ဆို မြန်မာနိုင်ငံအတွင်းမှာပဲ ရှင်းလို့မရတော့ဘူး၊ ရှင်းနိုင်မယ့်အနေအထား အခွင့်အရေးမပေးဘူးဆိုရင်တော့ အပြည်ပြည်ဆိုင်ရာ တရားရုံးအထိ ရှင်းရမှာပေါ့၊ ဘုန်းကြီးက အဲ့လိုဆုံးဖြတ်ထားပါတယ်"
အဲ့ဒီမြို့နယ်တရားရုံးတွေက အခုလိုငြင်းပယ်မှှုနဲ့ပတ်သက်ပြီး ဆရာတော်ဦးဥတ္တရနှင့် ဆရာတော် ၄ ပါးကို အစိုးရကတရားစွဲဆိုထားတဲ့ အမှုတွေမပြီးပြတ်သေးတာကြောင့် ဆရာတော်ဖက်က ပြန်လှန်တရားစွဲတာကို စီမံခန့်ခွဲမူအရ လက်မခံနိုင်ကြောင်း ပြောဆိုခဲ့တယ်လို့ သိရပါတယ်။
ပြီးခဲ့တဲ့ ဇွန်လ ၁၀ ရက်နေ့မှာ အာဏာပိုင်တွေက သံဃာ့မဟာနယကအဖွဲ့ အမိန့်နဲ့ပီနန်ဆရာတော်ကြီးရဲ့ မဟာ သန္တိသုခကျောင်းတိုက်ကို ချိတ်ပိတ်ခဲ့ပြီး ဆရာတော်ဦးဥတ္တရ၊ ဦးတေဇိန္ဒ၊ ဦးသုန္ဒရ၊ ဦးနန္ဒိယနှင့် ဦးပညာဝရတို့ကို ၂၀/၉၀ နဲ့ ပုဒ်မ၂၉၅ (က) ဖြင့် လူဝတ်လဲ ဖမ်းဆီးချုပ်နှောင်ကာ ရန်ကုန်တိုင်းဒေသကြီး သာသနာရေးဦးစီးဌာနမှူး ဦးစိန်မော်က တရားလိုအဖြစ် တာမွေမြို့နယ် တရားရုံးမှာတရားစွဲဆိုထားတာဖြစ်ပါတယ်။
ဆရာတော်ဦးဥတ္တရနဲ့ RFA အဖွဲ့သား ဦးတင်အောင်ခိုင် ဆက်သွယ်လျှောက်ထားချက်ကိုနားဆင်ပါ။