ရွှေဝါရောင် သံဃာများ ကျောင်းတိုက်က ပြန်ထွက်ပေးဖို့ ဝန်ခံလက်မှတ်ထိုးရ

• 
  2012-01-27

သံဃာ့ မဟာနာယကအဖွဲ့က ဆင့်ခေါ်ခဲ့တဲ့ သံဃာငါးပါးဟာ ရွှေဝါရောင် လှုပ်ရှားမှုမှာ ပါဝင်ခဲ့ပြီး ဇန်နဝါရီလထဲမှာမှ အကျဉ်းထောင်တွေ ကနေ ပြန်လွတ်လာတဲ့ သံဃာတွေ ဖြစ်ကြပါတယ်။ ကျောင်းတိုက်များကို တရားမဝင် ဝင်ရောက်မှုနဲ့ သံဃာတွေကို တိုင်းဒေသကြီးက တရားစွဲဖို့ ပြင်ဆင်ခဲ့ပြီး နိုင်ငံတော် သံဃာ့ နာယကအဖွဲ့က ဆင့်ခေါ်ခဲ့တာ ဖြစ်ပါတယ်။

အဆင့်ခေါ်ခံ သံဃာငါးပါး ကတော့ ၂၀၀၇ သံဃာ့ အရေးအခင်းရဲ့ ဦးဆောင် ဆရာတော်တစ်ပါး ဖြစ်တဲ့ အရှင်ဂမ္ဘီရ၊ ဦးဣဿရိယ၊ ဦးဝိသုဒ္ဓိ၊ ဦးပဏ္ဍဝံသနဲ့ သံလျှင် အောင်ဗောဓိကျောင်းက ဦးပညာသီဟတို့ပါ။

သံဃာတော်တွေထဲက အရှင်ဂမ္ဘီရနဲ့ ဦးဣဿရိယတို့ ခရီးလွန်နေတာကြောင့် ကြွရောက်နိုင်ခြင်း မရှိဘူးလို့ သိရပါတယ်။ ရန်ကုန်မြို့ ကမ္ဘာအေး ဥတ္တရကုရု ကျောင်းဆောင်မှာ ဒီကနေ့ ဆရာတော်ကြီးများက သြဝါဒပေးပြီး နိုင်ငံတော် သံဃာ့ နာယကအဖွဲ့ရဲ့ ခွင့်ပြုချက်နဲ့ တရားဝင် သိက္ခာထပ်ဖို့ မိန့်ကြားတယ်လို့ ဦးပညာသီဟက မိန့်ပါတယ်။

ဒါ့အပြင် ခွင့်ပြုချက်မရှိဘဲ ဝင်ရောက် နေထိုင်တဲ့ ကျောင်းတိုက်က ပြန်ထွက်ပေးဖို့ ဝန်ခံလက်မှတ် ထိုးခဲ့ရပါတယ်။ ဒီကိစ္စကို တိုင်းသံဃာ့ မဟာနာယကအဖွဲ့က ၁၀ ရက်အတွင်း ပြန်လည် ဆောင်ရွက်ပေးမယ်လို့ ဆရာတော်ကြီးများက ကတိပြုကြောင်း သိရပါတယ်။

ဦးပညာသီဟကို ဦးတင်အောင်ခိုင်က ဆက်သွယ်မေးမြန်းထားပါတယ်။

	ဆက်သွယ်မေးမြန်းချက်။
	အသံဖိုင်ယူရန်။